Dintanýshy Asyltai Tasbolat "erkekter hadisti nápsisine qarai paidalanyp júr me?" degen saýalǵa jaýap berdi, - dep habarlaidy Dalanews.kz.
Asyltai Tasbolat Fazlýr Rahman eńbekterine negizdep, "Islam jáne moderniti" atty kitapty aýdarǵan. Onyń sózinshe, Fazlýr Rahman ekinshi dúniejúzilik soǵystan keiin shyqqan jańa modernister qataryna jatady, ol Qurandy, islamdy túsinýde jańa germenevtikalyq betburys jasaǵan. Fazlýr Rahman Quranda quldyqty joiýǵa, áielderdiń quqyǵyn kóterýge qatysty ádildik pen teńdik ideiasy bar dep eseptegen.
"Tarihty qaraityn bolsaq, áielderdi er adamnyń qisyq qabyrǵasynan jaratylǵan degen túsinik qalyptasyp ketken. Quranda olai ashyq jazylmaǵan. ...Biraq sońǵy eki ǵasyrda qaitadan áielderdiń jaratylysyna qatysty túsinikter, Qurandaǵy áielderge qatysty aiattar qaralyp jatyr. Sonyń ishinde Fazlýr Rahman "ontologiialyq turǵydan áiel adam qisyq qabyrǵadan jaratylǵan degen kemsitýden bastalatyn túsinik Quranda joq" deidi. "Qurandy túsindirý, interpretatsiia dástúri muny keiinnen qalyptastyrǵan" deidi.
...Bul kisilerdiń túsinigi boiynsha áielderdi erkektiń qisyq qabyrǵasynan jaratty degen uǵym áielderdi kemsitý bolyp sanalady. Sebebi Quranda ashyq aitylǵan ondai aiat joq", - deidi Asyltai Tasbolat.
Dintanýshy kóp áiel alý máselesine qatysty da pikir bildirdi.
"Fazlýr Rahmannyń "Qurandaǵy áiel mártebesi" degen maqalasy bar. Sonyń ishinde tórt áiel alýǵa qatysty aiatta taǵy da bir áleýmettik bir málimdeme bar deidi. Aralarynda ádildik ustana almaimyn dep qoryqsańdar, bireýin ǵana qanaǵat tutyńdar degen jeri bar deidi. Keibir Islam álemindegi memleketter, Týnisti aitty ǵoi deimin, osyny quqyqtyq málimdemege ainaldyryp, kóp áiel alýǵa shekteý qoiǵan. Áielge qatysty sheshimde basty ustanym Quranda eksplýatatsiia degen nárse joq deidi jáne ádil bolyńdar, olardyń artynan túspeńder, aqysyn jemeńder, zábir kórsetpeńder degen nárseler bar deidi. ...Paiǵambar zamanynda mártebesi kóterilgen áielder keiingi kezeńde kerisinshe tómen qarai kete bastady degen nárseni aitady. Sosyn segregatsiia degen nárse Quranda joq, sodan bastaidy. Erkek pen áiel bólek otyrý kerek degen nárse joq deidi. ...Ar-uiatty saqtańdar degen nárse birinshi erkekterden bastap, sosyn áielderge aitylady deidi", - dedi dintanýshy.
Sarapshynyń pikirinshe, qazir talaq degen dúnie oiynshyqqa ainalǵan.
"Talaq degen nárse oiynshyqqa ainalyp ketti. Keibir ortalarda ajyrasyp kete salady. ("Áielqumar, nápsisin tyia almaityn erkekter ózderine tiimdi bolýy úshin paidalanyp jatyr ma?" degen saýal qoiyldy - esk.). Árine, solai da túsinýge bolady. Sebebi Islamnyń 1400 jyldyq tájiribesi bar. Onyń tájiribesin negizinen patriarhat qoǵam (paidalandy - esk.), iaǵni er adamdar ústemdik quratyn qoǵam", - dedi ol "Baisemiz LIVE" arnasyna bergen suhbatynda.
Dintanýshynyń sózinshe, jańa interpretatsiia kerek.
"Quqyqtyq sheshimde bolsyn, keiingi sheshimde bolsyn bárinde derekkóz bir: Quran, hadister. Biraq interpretatsiia degen nárse bar, ol eshqashan toqtamaidy. Sońǵy kezde osy nárseni aityp júrmin. Ǵylym men senim - eki túrli dúnietanym formasy. Din adamnyń ishki senim, emotsiiasymen bailanysty. Biraq senimdi de, senim negizgi derekkóz qylyp turǵan Qurandy da túsinýde, interpretatsiialaýda erkindik bolýy kerek. Dinniń fýnktsiiasy - álemdi taný, Qudaiǵa senim", - dedi sarapshy "Baisemiz LIVE" arnasyna bergen suhbatynda.
