Áleýmettik jelilerde kinoteatrǵa kelgen qazaqstandyq áieldiń jańa shyqqan «Óte qorqynyshty kino» komediiasyna qatysty syny aitylǵan videosy keńinen tarap jatyr, dep habarlaidy dalanews.kz.
Video avtorynyń pikirinshe, filmde jastarǵa teris áser etýi múmkin ádepsiz jáne moraldyq normalarǵa qaishy kórinister bar. Ol mundai kontenttiń jasóspirimderdiń tárbiesine keri yqpal etýi múmkin ekenin aityp, ata-analardy balalardyń jas ereksheligine qoiylatyn shekteýlerge muqiiat qaraýǵa shaqyrdy.
Sondai-aq áiel atalǵan filmniń Qazaqstan aýmaǵynda prokatqa shyǵýyna ruqsat berilgenine narazylyq bildirip, ony kórsetýdi toqtatý qajettigin aitty.
Áleýmettik jeli qoldanýshylarynyń pikiri ekige jaryldy. Biri video avtoryn qoldap, mundai mazmundaǵy filmder keń aýditoriiaǵa qoljetimdi bolmaýy tiis dep esepteidi.
Al ekinshi tarap filmniń tek eresek kórermenderge arnalǵanyn jáne oǵan tiisti jas shekteýi qoiylǵanyn alǵa tartyp, tańdaý quqyǵy kórermenniń ózinde bolýy kerek ekenin jazǵan.
