Kezdesý Qazaqstan Táýelsizdiginiń mereitoiyna orailastyrylǵan «Qoǵam men memlekettiń turaqty damýy múddesindegi áriptestiktiń 30 jyly» X Azamattyq forýmy qarsańynda ótti.
Keńes otyrysy barysynda ÚEU men jergilikti atqarýshy organdardyń ókilderi megapolisti damytýdaǵy azamattyq sektordyń mańyzdy rólin talqylady.
Almaty qalasy Qoǵamdyq damý basqarmasynyń basshysy D. Esdáýletov azamattyq sektormen ózara is-qimyldy nyǵaitý boiynsha júrgizilip jatqan jumystar týraly baiandama jasady. Sondai-aq, qoǵamdyq mańyzy bar jáne áleýmettik jobalardy birlesip júzege asyrý týraly qalalyq bilim, mádeniet, sport, týrizm, qoǵamdyq densaýlyq, áleýmettik ál-aýqat, din isteri, kásipkerlik jáne investitsiialar, kreativti indýstriia jáne jasyl ekonomika basqarmalarynyń basshylary baiandady.
Kezdesýge qatysýshylar kóterilgen máselelerdi sheshý boiynsha pikir jáne usynystar almasty. Almaty máslihatynyń depýtaty, «Aqparattyq-resýrstyq ortalyq» QQ direktory A.Kóbeeva, «Azamattyq qoǵamdy damytý qaýymdastyǵy» QB direktory J. Asanova, «Qoǵamdyq joba» mekemesiniń direktory A. Bratenkov ózara is-qimyl týraly óz oilarymen bólisti.
Otyrysty qorytyndylai kele, Almaty qalasy ákiminiń orynbasary Erjan Babaqumarov ákimdiktiń memlekettik jáne qoǵamdyq uiymdar arasyndaǵy yntymaqtastyqty keńeitý boiynsha sharalar qabyldap jatqanyn atap ótti. Áleýmettik bastamalarǵa qoldaý kórsetý praktikasy jalǵasatyn bolady.
– Mundai ózara is-qimyl jáne qoldaý áleýmettik turaqtylyqty saqtaýdyń, dialog pen jaýapkershilik mádenietin damytýdyń mańyzdy sharttary bolyp tabylady. Aitylǵan usynystar memlekettik organdar tarapynan qoldaý tabady, – dep Erjan Babaqumarov is-sharaǵa belsendi qatysqany úshin Keńes múshelerine alǵysyn bildirdi.
