كەزدەسۋ قازاقستان تاۋەلسىزدىگىنىڭ مەرەيتويىنا ورايلاستىرىلعان «قوعام مەن مەملەكەتتىڭ تۇراقتى دامۋى مۇددەسىندەگى ارىپتەستىكتىڭ 30 جىلى» X ازاماتتىق فورۋمى قارساڭىندا ءوتتى.
كەڭەس وتىرىسى بارىسىندا ۇەۇ مەن جەرگىلىكتى اتقارۋشى ورگانداردىڭ وكىلدەرى مەگاپوليستى دامىتۋداعى ازاماتتىق سەكتوردىڭ ماڭىزدى ءرولىن تالقىلادى.
الماتى قالاسى قوعامدىق دامۋ باسقارماسىنىڭ باسشىسى د. ەسداۋلەتوۆ ازاماتتىق سەكتورمەن ءوزارا ءىس-قيمىلدى نىعايتۋ بويىنشا جۇرگىزىلىپ جاتقان جۇمىستار تۋرالى بايانداما جاسادى. سونداي-اق، قوعامدىق ماڭىزى بار جانە الەۋمەتتىك جوبالاردى بىرلەسىپ جۇزەگە اسىرۋ تۋرالى قالالىق ءبىلىم، مادەنيەت، سپورت، تۋريزم، قوعامدىق دەنساۋلىق، الەۋمەتتىك ءال-اۋقات، ءدىن ىستەرى، كاسىپكەرلىك جانە ينۆەستيسيالار، كرەاتيۆتى يندۋستريا جانە جاسىل ەكونوميكا باسقارمالارىنىڭ باسشىلارى باياندادى.
كەزدەسۋگە قاتىسۋشىلار كوتەرىلگەن ماسەلەلەردى شەشۋ بويىنشا پىكىر جانە ۇسىنىستار الماستى. الماتى ءماسليحاتىنىڭ دەپۋتاتى، «اقپاراتتىق-رەسۋرستىق ورتالىق» قق ديرەكتورى ا.كوبەيەۆا، «ازاماتتىق قوعامدى دامىتۋ قاۋىمداستىعى» قب ديرەكتورى ج. اسانوۆا، «قوعامدىق جوبا» مەكەمەسىنىڭ ديرەكتورى ا. براتەنكوۆ ءوزارا ءىس-قيمىل تۋرالى ءوز ويلارىمەن ءبولىستى.
سونىمەن قاتار، كەڭەس مۇشەلەرى - ۇەۇ وكىلدەرى «امان-ساۋلىق» قق پرەزيدەنتى ب. تۇمەنوۆا، «مەن الماتىلىقپىن» قق ديرەكتورى ك. اۆەرشين، الماتى قالاسى اكىمدىگى جانىنداعى اۋعانستانداعى سوعىس جانە جەرگىلىكتى اسكەري قاقتىعىستار ارداگەرلەرى مەن مۇگەدەكتەرى قوعامدىق بىرلەستىكتەرىنىڭ ۇيلەستىرۋ كەڭەسىنىڭ ءتوراعاسى م. ابدۋشكۋروۆ، «قازاقستاننىڭ بالالار ۇيلەرى تۇلەكتەرىنىڭ قاۋىمداستىعى» قاۋىمداستىق نىسانىنداعى زتب پرەزيدەنتى ر. گاسانوۆ، «الماتى قالالىق مۇگەدەكتەر قوعامى» قب ءتوراعاسىنىڭ ورىنباسارى ۋ. ىڭكاربەكوۆ، «ۇلتتىق مەديسينالىق اسسوسياسياسى» رقب پرەزيدەنتى ا. سادىقوۆا، «پەداگوگيكا عىلىمدارى اكادەمياسى» قب باسقارما ءتوراعاسى ءا. قۇسايىنوۆ.
وتىرىستى قورىتىندىلاي كەلە، الماتى قالاسى اكىمىنىڭ ورىنباسارى ەرجان باباقۇماروۆ اكىمدىكتىڭ مەملەكەتتىك جانە قوعامدىق ۇيىمدار اراسىنداعى ىنتىماقتاستىقتى كەڭەيتۋ بويىنشا شارالار قابىلداپ جاتقانىن اتاپ ءوتتى. الەۋمەتتىك باستامالارعا قولداۋ كورسەتۋ پراكتيكاسى جالعاساتىن بولادى.
– مۇنداي ءوزارا ءىس-قيمىل جانە قولداۋ الەۋمەتتىك تۇراقتىلىقتى ساقتاۋدىڭ، ديالوگ پەن جاۋاپكەرشىلىك مادەنيەتىن دامىتۋدىڭ ماڭىزدى شارتتارى بولىپ تابىلادى. ايتىلعان ۇسىنىستار مەملەكەتتىك ورگاندار تاراپىنان قولداۋ تابادى، – دەپ ەرجان باباقۇماروۆ ءىس-شاراعا بەلسەندى قاتىسقانى ءۇشىن كەڭەس مۇشەلەرىنە العىسىن ءبىلدىردى.
