Qala ákiminiń orynbasary E. Babaqumarov quttyqtaý sózinde bıylǵy jyly 30 jyldyǵyn atap ótetin Táýelsizdik kúni barlyq qazaqstandyqtar úshin qasıetti mereke bolyp tabylatynyn atap ótti.
– Almaty ákimi B. Saǵyntaevtyń atynan qalanyń tynys-tirshiliginiń áleýmettik mańyzdy máselelerin sheshýge qosqan úlesterińiz ben birlesken jumys úshin alǵys aıtamyn. Biz qala turǵyndarynyń ıgiligi úshin salıqaly yntymaqtastyqty odan ári jalǵastyratynymyzǵa senimdimin, – dep atap ótti E. Babaqumarov jáne Keńes tóraǵasy Rahman Alshanovtyń jumysyn jeke atap ótti.
Qala ákiminiń orynbasary E. Babaqumarov Qoǵamdyq keńes múshelerin Qazaqstan Respýblıkasy men Almaty qalasynyń memlekettiligin qalyptastyrýǵa, egemendigin nyǵaıtýǵa jáne áleýmettik-ekonomıkalyq damýyna qosqan eleýli úlesi úshin «Qazaqstan Respýblıkasynyń Táýelsizdigine 30 jyl» mereıtoılyq medaldarmen marapattady.
Marapattalǵandardyń arasynda QR Mádenıet jáne sport mınıstriniń keńesshisi Erjan Ábdirahmanov, «QazRENA» Qazaqstannyń ǵylymı-bilim berý kompúterlik jelisin paıdalanýshylar qaýymdastyǵynyń bas dırektory Borıs Japarov, «Qýanysh mekeni» ÓK tóraǵasy Tóleýtaı Jabbarov, «Taımas LTD» kompanıasy» JSHS bas dırektory Gúljan Qaldabaeva, «Gúlden Saýda» JSHS bas dırektory Maıra Saǵymbekova, Almaly aýdany ákiminiń keńesshisi Qusman Shalabaev, QR Prezıdenti janyndaǵy Ulttyq qoǵamdyq senim keńesiniń múshesi Marat Shıbutov, Almaty qalasy İİD ÁPB ardagerler keńesiniń bastaýysh uıymynyń tóraǵasy Aıgúl Shópshekbaeva bar.
