الماتى قالاسى اكىمىنىڭ ورىنباسارى ەرجان باباقۇماروۆ مەگاپوليستىڭ قوعامدىق كەڭەسىنىڭ مۇشەلەرىن كەلە جاتقان تاۋەلسىزدىك كۇنىمەن قۇتتىقتاپ، مەرەيتويلىق مەدالدارمەن ماراپاتتاۋ ءراسىمىن وتكىزدى، – دەپ حابارلايدى Dalanews.kz.

قالا اكىمىنىڭ ورىنباسارى ە. باباقۇماروۆ قۇتتىقتاۋ سوزىندە بيىلعى جىلى 30 جىلدىعىن اتاپ وتەتىن تاۋەلسىزدىك كۇنى بارلىق قازاقستاندىقتار ءۇشىن قاسيەتتى مەرەكە بولىپ تابىلاتىنىن اتاپ ءوتتى.

– الماتى اكىمى ب. ساعىنتايەۆتىڭ اتىنان قالانىڭ تىنىس-تىرشىلىگىنىڭ الەۋمەتتىك ماڭىزدى ماسەلەلەرىن شەشۋگە قوسقان ۇلەستەرىڭىز بەن بىرلەسكەن جۇمىس ءۇشىن العىس ايتامىن. ءبىز قالا تۇرعىندارىنىڭ يگىلىگى ءۇشىن ساليقالى ىنتىماقتاستىقتى ودان ءارى جالعاستىراتىنىمىزعا سەنىمدىمىن، – دەپ اتاپ ءوتتى ە. باباقۇماروۆ جانە كەڭەس ءتوراعاسى راحمان الشانوۆتىڭ جۇمىسىن جەكە اتاپ ءوتتى.

قالا اكىمىنىڭ ورىنباسارى ە. باباقۇماروۆ قوعامدىق كەڭەس مۇشەلەرىن قازاقستان رەسپۋبليكاسى مەن الماتى قالاسىنىڭ مەملەكەتتىلىگىن قالىپتاستىرۋعا، ەگەمەندىگىن نىعايتۋعا جانە الەۋمەتتىك-ەكونوميكالىق دامۋىنا قوسقان ەلەۋلى ۇلەسى ءۇشىن «قازاقستان رەسپۋبليكاسىنىڭ تاۋەلسىزدىگىنە 30 جىل» مەرەيتويلىق مەدالدارمەن ماراپاتتادى.

ماراپاتتالعانداردىڭ اراسىندا ق ر مادەنيەت جانە سپورت ءمينيسترىنىڭ كەڭەسشىسى ەرجان ءابدىراحمانوۆ، «قازرەنا» قازاقستاننىڭ ءعىلىمي-بىلىم بەرۋ كومپيۋتەرلىك جەلىسىن پايدالانۋشىلار قاۋىمداستىعىنىڭ باس ديرەكتورى بوريس جاپاروۆ، «قۋانىش مەكەنى» وك ءتوراعاسى تولەۋتاي جابباروۆ، «تايماس LTD» كومپانياسى» ج ش س باس ديرەكتورى گۇلجان قالدابايەۆا، «گۇلدەن ساۋدا» ج ش س باس ديرەكتورى مايرا ساعىمبەكوۆا، المالى اۋدانى اكىمىنىڭ كەڭەسشىسى قۇسمان شالابايەۆ، ق ر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى مارات شيبۇتوۆ، الماتى قالاسى ءىىد ءاپب ارداگەرلەر كەڭەسىنىڭ باستاۋىش ۇيىمىنىڭ ءتوراعاسى ايگۇل شوپشەكبايەۆا بار.