Erevanda politsiia qyzmetkerleri respýblika premer-ministri Nikol Pashiniannyń saiasatyna qarsylyq tanytqan 197 sherýshini ustady, dep habarlaidy Dalanews.kz.
Bul týraly Armeniianyń ishki ister ministrligi “Interfaks” agenttigine málimdedi.
4 mamyrda Armian apostol shirkeýiniń arhiepiskopy Bagrat Galstanian barlyq armiandy katolikosý II Karekinniń batasymen Erevanda Armeniia biliginiń Ázirbaijanmen shekarany delimitatsiialaý máselesine qatysty saiasatyna qarsy narazylyq aktsiiasyn jariialady.
26 mamyrda Erevannyń ortalyǵynda ótken oppozitsiia mitingisinde premer-ministr laýazymyna arhiepiskop Bagrat Galstaniannyń kandidatýrasyn usyný usynyldy. Arhiepiskop óziniń shirkeýdegi qyzmetin “ýaqytsha toqtatýǵa” nieti bar ekenin aitty jáne bul týraly barlyq armiannyń katolikosy Karekin II-den surady.
Aita keteiik, jaqynda Armeniia Syrtqy ister ministrliginiń baspasóz hatshysy Ani Badalian Armeniia 2024 jyly Ujymdyq qaýipsizdik sharty uiymyn (UQShU) qarjylandyrýǵa qatyspaitynyn málimdegen edi.
“Armeniia 2023 jylǵy 23 qarashadaǵy “UQShU-nyń 2024 jylǵa arnalǵan biýdjeti týraly” sheshimge qosylýdan jáne sol arqyly uiymnyń qyzmetin qarjylandyrýǵa qatysýdan bas tartady. Sondyqtan kelisimge qatysýshy elderdiń ortaq sharalaryn qarjylandyrýdy da doǵara turady. Sonymen birge Erevan bul sheshimniń shekteýli formatta qabyldanýyna qarsy bolmaidy”, - dedi Badalian.
