ەريەۆاندا پوليسيا قىزمەتكەرلەرى رەسپۋبليكا پرەمەر-مينيسترى نيكول پاشينياننىڭ ساياساتىنا قارسىلىق تانىتقان 197 شەرۋشىنى ۇستادى، دەپ حابارلايدى Dalanews.kz.
بۇل تۋرالى ارمەنيانىڭ ىشكى ىستەر مينيسترلىگى “ينتەرفاكس” اگەنتتىگىنە مالىمدەدى.
4 مامىردا ارميان اپوستول شىركەۋىنىڭ ارحيەپيسكوپى باگرات گالستانيان بارلىق ارمياندى كاتوليكوسۋ II كارەكيننىڭ باتاسىمەن ەريەۆاندا ارمەنيا بيلىگىنىڭ ازىربايجانمەن شەكارانى دەليميتاسيالاۋ ماسەلەسىنە قاتىستى ساياساتىنا قارسى نارازىلىق اكسياسىن جاريالادى.
26 مامىردا ەريەۆاننىڭ ورتالىعىندا وتكەن وپپوزيسيا ميتينگىسىندە پرەمەر-مينيستر لاۋازىمىنا ارحيەپيسكوپ باگرات گالستانياننىڭ كانديداتۋراسىن ۇسىنۋ ۇسىنىلدى. ارحيەپيسكوپ ءوزىنىڭ شىركەۋدەگى قىزمەتىن “ۋاقىتشا توقتاتۋعا” نيەتى بار ەكەنىن ايتتى جانە بۇل تۋرالى بارلىق ارمياننىڭ كاتوليكوسى كارەكين II-دەن سۇرادى.
ايتا كەتەيىك، جاقىندا ارمەنيا سىرتقى ىستەر مينيسترلىگىنىڭ باسپا ءسوز حاتشىسى اني باداليان ارمەنيا 2024 جىلى ۇجىمدىق قاۋىپسىزدىك شارتى ۇيىمىن (ۇقشۇ) قارجىلاندىرۋعا قاتىسپايتىنىن مالىمدەگەن ەدى.
“ارمەنيا 2023 جىلعى 23 قاراشاداعى “ۇقشۇ-نىڭ 2024 جىلعا ارنالعان بيۋدجەتى تۋرالى” شەشىمگە قوسىلۋدان جانە سول ارقىلى ۇيىمنىڭ قىزمەتىن قارجىلاندىرۋعا قاتىسۋدان باس تارتادى. سوندىقتان كەلىسىمگە قاتىسۋشى ەلدەردىڭ ورتاق شارالارىن قارجىلاندىرۋدى دا دوعارا تۇرادى. سونىمەن بىرگە ەريەۆان بۇل شەشىمنىڭ شەكتەۋلى فورماتتا قابىلدانۋىنا قارسى بولمايدى”، - دەدى باداليان.
