Shyǵys Qazaqstan oblysy Shemonaiha aýdanynyń prokýrorlary 3 ákimdi ákimshilik jaýapqa tartty, dep habarlaidy Dalanews.kz.
Bas prokýratýra Shemonaiha aýdanynda memlekettik satyp alý týraly tikelei sharttar zańsyz jasalǵanyn aitty.
"Jekelegen ákimder "Memlekettik satyp alý týraly" zańnyń 39-baby 3-tarmaǵy 42-tarmaqshasynda kórsetilgen erejeni buzǵan. Olar satyp alý kezinde bir ǵana jumystyń qunyna toqtalyp (3000 AEK-ten aspaityn), jumystyń birtektilik jaily qoiylatyn talaptaryn ádeii elemegen", - dep jazylǵan vedomstvo habarlamasynda.
Máselen, Shemonaiha qalasy ákiminiń apparaty qysqy jol jóndeý jumystaryn júrgizýge jalpy somasy 27,2 mln teńgege 3 shart jasasqan. Jumystyń sipaty birtekti, biraq bul rette jalpy quny 3000 AEK-ten asqanyn eskere otyryp, bul satyp alýlar básekelestik ortada júzege asyrylýy kerek bolǵan.
"Osyndai zań buzýshylyqtarǵa Zevakin jáne Vavilon aýyldyq okrýgteriniń ákimderi de jol bergen. Prokýrorlyq qadaǵalaý aktisi boiynsha Shemonaiha qalasy, Zevakin jáne Vavilon aýyldyq okrýgteriniń ákimderi ákimshilik jaýapkershilikke tartylyp, árqaisysyna 100 AEK mólsherinde aiyppul salyndy", - deidi Bas prokýratýra.
