Túrkiianyń basshysy Rejep Taiyp Erdoǵan Ortalyq Aziia degen terminniń ornyna Túrkistan terminin qoldanbaq, - dep habarlaidy Dalanews.kz.
Sarapshylardyń sózinshe, Erdoǵan osylaisha Aziiany óz qolyna almaq.
"Eger kimde-kim Erdoǵan Aziiany basqarǵysy keletinine kúmáni bolsa, mine, myna jańalyqtan keiin bári belgili bolǵan sekildi: Túrkiianyń Bilim ministrligi mekteptegi tarih baǵdarlamasyna ózgeris engizbek. Endi "Ortalyq Aziia" termininiń ornyna "Túrkistan" degen termin qoldanylmaq. Erdoǵan: "Biz "Túrkiia ǵasyry" týraly kózqarasymyzdy túrki memleketterin uiymdastyrýǵa keńeite otyryp, aldaǵy kezeńdi túrki dáýirine ainaldyrý úshin etene birge bolamyz" dep málimdedi", - deidi "Ahmetov" telegram arnasyndaǵylar.
Al túrkiialyq sarapshylardyń sózinshe, bul sheshim "bolashaq urpaq arasynda ulttyq sana men patriotizmdi nyǵaitýǵa baǵyttalǵan".
"Túrkistan" termininiń tarihi mańyzdylyǵyn túrik professorlary da qoldaǵan. Professor Ahmet Tashaǵyl terminniń tarihi mańyzdylyǵyn túsindirdi. Onyń aitýynsha, "túrikterdiń otany" degendi bildiretin bul sóz tarihtyń alǵashqy kezeńderinen beri qoldanylyp keledi.
Sarapshy túrki álemi úshin ortaq tarih, geografiia, ádebiet, kartalar men álipbi jasaý jónindegi belsendi qadamdar kezeńinde ulttyq bilim ministrliginiń "Túrkistan" terminin oqýlyqtarǵa, onyń ishinde balalarǵa engizý týraly sheshimi eleýli ózgeris bolmaq. Onyń pikirinshe, bul transformatsiia tek Túrkiia úshin ǵana emes, búkil túrki álemi úshin, sondai - aq túrki memleketteriniń áriptes elderi úshin mańyzdy bastama jáne qundy úles.
