Áýezov aýdanyn aralaý barysynda Almaty ákimi Erbolat Dosaev №9 mektep ǵımaratyn kúrdeli jóndeý jáne seısmıkalyq nyǵaıtý barysymen tanysty, – dep habarlaıdy Dalanews.kz Almaty qalasy ákiminiń baspasóz qyzmetine silteme jasap.

50 jyldan astam ýaqyt buryn salynǵan 1200 oryndyq mektep ǵımaraty kúrdeli jóndeýdi qajet etti. 2023 jyldyń aqpan aıynda bastalǵan qurylys-montaj jumystary bir jyldan keıin aıaqtalýy kerek edi.

Alaıda merdiger uıym shartta belgilengen merzimge sáıkes kelmedi. Búgingi tańda jumys kóleminiń 85% ǵana oryndaldy.

Merzimnyń buzylýyna baılanysty qurylys basqarmasy merdigerge qatysty ony memlekettik satyp alýǵa qatysy bar jaýapsyz qatysýshy dep taný jáne 3 mln teńge mólsherinde turaqsyzdyq aıybyn óndirip alý týraly sotqa talap aryz berdi.

Qazirgi ýaqytta aýmaqty abattandyrý, sport zaly men ashanany bezendirý jumystary jalǵasýda. Sondaı-aq, beınebaqylaý kameralary men órt qaýipsizdigi dachıkterin ornatý qajet.  

Almaty ákimi merdigerge kireberisti keńeıtý, aryq júıesin uıymdastyrý jáne sport stadıonynyń negizin qaıta qurý jumystaryn júrgizýdi tapsyrdy.

Sonymen qatar, Erbolat Dosaev jańa oqý jyly bastalǵanǵa deıin jumystardy jedeldetýdi jáne jóndeýdi aıaqtaýdy tapsyryp, materıaldardyń sapasyna jáne mekteptiń zamanaýı jabdyqtalýyna erekshe nazar aýdardy.