ەربولات دوسايەۆ جاۋپسىز مەردىگەرگە مەكتەپتىڭ جوندەۋ جۇمىستارىن وقۋ جىلان دەيىن اياقتاۋدى تالاپ ەتتى

جاربول كەنت ۇلى 18 ماۋ. 2024 10:44 1955

اۋەزوۆ اۋدانىن ارالاۋ بارىسىندا الماتى اكىمى ەربولات دوسايەۆ №9 مەكتەپ عيماراتىن كۇردەلى جوندەۋ جانە سەيسميكالىق نىعايتۋ بارىسىمەن تانىستى، – دەپ حابارلايدى Dalanews.kz الماتى قالاسى اكىمىنىڭ باسپا ءسوز قىزمەتىنە سىلتەمە جاساپ.

50 جىلدان استام ۋاقىت بۇرىن سالىنعان 1200 ورىندىق مەكتەپ عيماراتى كۇردەلى جوندەۋدى قاجەت ەتتى. 2023 جىلدىڭ اقپان ايىندا باستالعان قۇرىلىس-مونتاج جۇمىستارى ءبىر جىلدان كەيىن اياقتالۋى كەرەك ەدى.

الايدا مەردىگەر ۇيىم شارتتا بەلگىلەنگەن مەرزىمگە سايكەس كەلمەدى. بۇگىنگى تاڭدا جۇمىس كولەمىنىڭ 85% عانا ورىندالدى.

مەرزىمنىڭ بۇزىلۋىنا بايلانىستى قۇرىلىس باسقارماسى مەردىگەرگە قاتىستى ونى مەملەكەتتىك ساتىپ الۋعا قاتىسى بار جاۋاپسىز قاتىسۋشى دەپ تانۋ جانە 3 ملن تەڭگە مولشەرىندە تۇراقسىزدىق ايىبىن ءوندىرىپ الۋ تۋرالى سوتقا تالاپ ارىز بەردى.

قازىرگى ۋاقىتتا اۋماقتى اباتتاندىرۋ، سپورت زالى مەن اسحانانى بەزەندىرۋ جۇمىستارى جالعاسۋدا. سونداي-اق، بەينەباقىلاۋ كامەرالارى مەن ءورت قاۋىپسىزدىگى داچيكتەرىن ورناتۋ قاجەت.  

الماتى اكىمى مەردىگەرگە كىرەبەرىستى كەڭەيتۋ، ارىق جۇيەسىن ۇيىمداستىرۋ جانە سپورت ستاديونىنىڭ نەگىزىن قايتا قۇرۋ جۇمىستارىن جۇرگىزۋدى تاپسىردى.

سونىمەن قاتار، ەربولات دوسايەۆ جاڭا وقۋ جىلى باستالعانعا دەيىن جۇمىستاردى جەدەلدەتۋدى جانە جوندەۋدى اياقتاۋدى تاپسىرىپ، ماتەريالداردىڭ ساپاسىنا جانە مەكتەپتىڭ زاماناۋي جابدىقتالۋىنا ەرەكشە نازار اۋداردى.


ۇسىنىلعان
سوڭعى جاڭالىقتار