Almaty ákimi Erbolat Dosaev Qytaiǵa resmi sapary aiasynda Beijiń qalalyq josparlaý ortalyǵynyń jumysymen tanysty,- dep habarlaidy Dalanews.kz.
Bul biregei mekeme zamanaýi qala qurylysy men damý ádisterin kórsetedi.
Erbolat Dosaev 2016–2035 jyldarǵa arnalǵan Beijińniń Bas josparynyń negizgi aspektilerin, sonyń ishinde ekologiialyq jáne qala qurylysy máselelerin zerttedi. Ol Almaty men Beijińniń kóportalyqty damý modelin ustanatynyn atap ótti, bul qala ortalyǵy men aýdandar arasyndaǵy júktemeni teń bólýge kómektesedi.
Bul turǵyndarǵa jaily jaǵdai jasap, infraqurylymdy ekologiialyq talaptardy eskere otyryp damytýǵa múmkindik beredi. Ákim Beijińniń ozyq tájiribesin Almatyǵa engizýdiń mańyzdylyǵyn atap, qalamyzdyń turaqty damýyna yqpal etetinin aitty.
