Advokat Inga Imanbai áleýmettik jelide Erbaian Muhtardyń isi boiynsha tergeýshini izdestirip jatqanyn málimdedi, dep habarlaidy Dalanews.kz.
Advokattyń aitýynsha, tergeý barysy toqtap qalǵan jáne sońǵy 5 ai ishinde eshqandai alǵa jyljý baiqalmaǵan.
“Erbaian Muhtardyń isi boiynsha tergeýshini izdestirip jatyrmyn. Bul qaljyń emes. Ókinishke qarai, tergeý boiynsha jaǵdai osylai qalyp otyr. Oqiǵa bolǵanyna bir jylǵa jýyq ýaqyt ótkenimen, tergeý ornynan qozǵalǵan joq. Men qorǵaýshy retinde iske kirisken bes ai ishinde tergeýshi Ýálihan Qydyrbai sot-meditsinalyq saraptamadan basqa eshqandai tergeý áreketin júrgizgen joq. Ol oqiǵa ornyndaǵy foto, video materialdardy jáne is qujattaryn kórsetken joq”, – dedi Inga Imanbai.
Advokat istiń mán-jaiyn bile almaǵandyqtan Bas prokýratýraǵa shaǵym túsirýge májbúr boldy.
“Is boiynsha týyndaǵan saýaldarǵa jaýap alý úshin habarlassaq, telefon qońyraýlaryna jaýap bermeidi. Sot-meditsinalyq saraptama qorytyndysy shyqty ma, is boiynsha basqa da mán-jailardy bilý múmkin bolmai tur. Sondyqtan, keshe tergeýshiniń isine quqyqtyq baǵa berý jáne qylmystyq isti tergeý qandai satyda turǵany týraly aqparat alý úshin Bas prokýratýraǵa shaǵym túsirýge májbúr boldym”, – dedi advokat.
