Áskerde jaraqat alǵan Erbaian Muhtar isinde mańyzdy jańalyq bar. Bul týraly onyń advokaty Inga Imanbai málimdedi, dep habarlaidy Dalanews.kz.
"Bas prokýratýra qylmystyq isti tolyq óz óndirisine alyp, barlyq materialdy jan-jaqty qaita zerdeleitinin málimdedi. Prezidenttiń tikelei tapsyrmasynan keiin bul iske jańa serpin berilip otyr. Endi biz Erbaian Muhtar isinde ádildik ornaitynyna, al Erbaiandy osy kúnge jetkizgen kináli adamdar jaýapqa tartylatynyna senemiz", - dedi advokat.
Aita keteiik, Erbaian Muhtar 2024 jyly jeltoqsanda aýrýhanaǵa tústi. Ulttyq ulannyń áskeri bólimindegiler ata-anasyna onyń ájethanada qulap, basyn soqqanyn aitqan. Alaida olar bul nusqaǵa senbei, Erbaian soqqyǵa jyǵylǵanyn dáleldeýge tyrysty.
Buǵan deiin bas áskeri prokýrordyń birinshi orynbasary Maqsat Qaziev tergeý qalai júrip jatqanyn aitty. Prokýratýra ókili naqty kúdiktiler joq ekenin de jetkizdi.
Al Prezident Qasym-Jomart Toqaev Bas prokýrorǵa áskerde qaza tapqan sarbazdardyń analarynan túsken aryz-shaǵymdy 12 kún ishinde qarastyryp, isti tergeý barysynda zańnyń saqtalýyna baǵa berýdi tapsyrdy.
