Sońǵy kezderi bilim berý salasynda er muǵalimderdiń jetispeýshiligi bala tárbıesine keri áser etti degen másele qozǵalyp júr. Sonaý 1990 jyldardyń bas kezindegi oryn alǵan naryqtyq daǵdarys bilim berý ordalaryna úlken soqqy berdi. Mektepterde jas urpaqqa sanaly bilim, sapaly tárbıe berýmen aınalysyp júrgen er azamattardyń basym bóligi óndiris oryndaryna bet burdy. Osy kezde bala tárbıesine qatysty jaýapkershiligi zor jumysty moınyna alyp qalǵan jáne búginge deıin talaı shákirttiń úlken ómirge aralasýyna úles qosqan áıel muǵalimderdiń eńbegi eren.

Túpqaraǵan aýdanynyń Aqshuqyr aýylyndaǵy maıtalman muǵalim, ulaǵatty ustaz Qalamqas Qalıqyzy basqaratyn mektep lıseıi bilim berý salasynda «Úzdik aýyl mektebi» retinde daralanady. 2014 jyly ashylyp, búginde 1 507 oqýshyǵa bilim berip otyrǵan aýyl mektebinde barlyǵy 123 muǵalim qyzmet etedi.

Sondaı-aq bul mektep kadrlyq erekshelikterimen de nazarǵa iligýde. Sapaly kadrlary jaǵynan respýblıkalyq mektepterden edáýir aıyrmashylyǵy bar. Óıtkeni atalǵan ujymda 30-ǵa jýyq er muǵalim qyzmet etse, olardyń ishinde 2 sheber-pedagog, 3 zertteýshi-pedagog, 5 sarapshy-pedagog, 7 moderator-pedagog qyzmet sapynda. Deni joǵary bilimdi, básekege qabiletti jastardan turatyn ártúrli pánderden sabaq beretin er ustazdary bar bul mektep qaı báıgede de jeńis tuǵyrynan túspegen.

– Qolynan erekshe is keletin tehnologıa pániniń ustazynan bastap, Bakýde ótken halyqaralyq baıraqty básekede altyn taǵyp, shákirtteri jeńis shyńynan túspeıtin dene tárbıesi páni muǵalimi, esepke júırik regat-matematık, úzdik tarıhshy ustaz, qazaq tili men ádebıeti pánininen sabaq beretin aqyn, akter, júrgizýshi ustazdar, ánshi, jyrshy, shahmatshy, kásipker, BÁD páni ustazdary syndy segiz qyrly bir syrly er ustazdarymyzben maqtanamyz! Olardyń erekshe qarym-qabileti men jigeriniń arqasynda kóptegen baıqaýda báıgeni bermeımiz. Bul osy jalyndy jastardyń jańashyldyqqa qumarlyǵynyń, bilimdiliginiń nátıjesi, – deıdi mektep dırektory.

Aqshuqyr mektep-lıseıi 7 jyldyń ishinde eleýli jetistikterge qol jetkizgen. «Daryn» respýblıkalyq ǵylymı-praktıkalyq ortalyǵynyń she­shimimen eki dúrkin «Úzdik aýyl mektebi» atalymy, Mańǵystaý oblystyq bilim basqarmasynyń sheshimimen «Úzdik olımpıadalyq mektep», eki ret «Úzdik aýyl mektebi», Mańǵystaý oblysy ákimdiginiń uıǵarymymen «Úzdik mektep-lıseı», «Orta bilim beretin úzdik uıym», «Tabıǵatpen úndes mektep», Bilim jáne ǵylym mınıstrliginiń janynan qurylǵan arnaıy komısıanyń sheshimimen «Úzdik olımpıadalyq aýyl mektebi» atalymymen marapattaldy.

– Joǵary bilimdi mamandar aýdan, oblys deńgeıinde emes, kóbisi res­pýb­­lıkalyq báıgelerde at ozdyrǵan júırikter. Er azamattardyń urpaq tár­bıesine aralasý úshin mektepke oralýyn qýanyshpen qabyldaımyz, – deıdi aýyl mektebiniń kadrlary týraly Túpqaraǵan aýdandyq bilim bóliminiń basshysy Aıbarshyn Ýtesbaeva.

Shákirtiniń «aǵaı!» degen úninen qýat alyp, táýelsiz eldiń erteńgi tizginustarlaryn baýlyp júrgen er ustazdary kóp mektep – kópke de úl

Gúlaıym DÁÝİTBAI, Mańǵystaý oblysy

Derekkózi: "Egemen Qazaqstan" gazeti