Eýropalyq Qaita qurý jáne damý bankiniń (EQDB) prezidenti Odil Reno-Bassonyń Qazaqstanǵa jumys sapary 2024 jyldyń 31 qazannan 1 qarasha aralyǵyna josparlanǵan, dep habarlaidy Dalanews.kz.
Odil Reno-Basso Memleket basshysy Qasym-Jomart Toqaevpen kezdesedi, sondai-aq Aziia damý banki basshylyǵymen turaqty infraqurylymdardy qamtityn birneshe jobalar boiynsha kelisimderge qol qoiady.
EQDB prezidenti biyl 26 jyldyǵy atap ótilmek Sheteldik investorlar keńesiniń jalpy otyrysynyń teń tóraǵasy bolady. Sondai-aq ol Jahandyq isker áielder keńesinde sóz sóilep, Astanada banktiń jańa keńsesiniń ashylý saltanatyna qatysady.
"Odil Reno-Basso infraqurylymdyq jaittar, sondai-aq óńiraralyq kólik bailanystary, shaǵyn jáne orta biznesti damytý syndy túitkildi máselelerdi sheshýde memlekettik-jekemenshik áriptestiktiktiń róli artyp kele jatqan Qazaqstan ekonomikasy úshin jańartylatyn energiia kózderiniń mańyzdylyǵyna toqtalady", dep kapital.kz banktiń baspasóz qyzmetine silteme jasap habarlaidy.
Búgingi tańda EQDB Qazaqstandaǵy 330 jobaǵa 10 mlrd evro investitsiialady, bul qarajattyń basym bóligi jeke kásipkerlikti qoldaýǵa baǵyttalǵan.
