Qaraǵandy oblysynyń Shet aýdanynda elektr energıamen qamsyzdandyrý máselesine baılanysty jergilikti aýmaqtaǵy tótenshe jaǵdaı rejımi jarıalandy, dep habarlaıdy Dalanews.kz.
Aýdan ákimi Muhıt Muhtarovtyń aıtýynsha, "Shet Energo" kompanıasy "Jezqazǵan taratýshy elektr toraby kompanıasy" AQ-nyń elektr energıasyn tasymaldaý boıynsha talaptaryn oryndamaýyna baılanysty, aýdanymyzda elektr energıasyn berý shektelýde.
"Búgingi tańda "Shet-Energo" kompanıasymen jaǵdaı áli de kúrdeli bolyp otyr. Kóptegen jyldar boıy kompanıa elektr jelilerin jańǵyrtýǵa ınvestısıa salmaǵan, bul elektr energıasynyń júıeli úzilisterine ákelip soǵýda. Adamdar jıi jaryqsyz qalýdan ǵana emes, sonymen qatar jylýsyz da qalady. Aýdan turǵyndarynan bul kompanıanyń jumysy týraly únemi kóptegen shaǵymdar túsip keledi", dep jazdy ákim búgin Instagram-daǵy paraqshasynda.
Turaqty eskertýlerge qaramastan, "Shet-Energo" qyzmetiniń sapasy jaqsarmaı keledi.
Osyǵan baılanysty aýdan ákimdigi jergilikti deńgeıde tótenshe jaǵdaı jarıalaýǵa májbúr bolýda, bul sharalar aýdanda elektr energıasyn qalpyna keltirýge baǵyttalǵan. Bul qadam energetıkalyq qamtamasyz etý salasynda tártip ornatýǵa jáne sapaly qyzmet kórsetýge múmkindik beredi.
"Turǵyndar únemi avarıalar men jeke kompanıanyń syltaýlaryn emes, turaqty elektr qýatyn qajet etedi. Turǵyndardan sabyr saqtap, biz jaǵdaıdy turaqtandyrý úshin barlyq qajetti sharalardy qabyldap jatqanymyzdy túsinýlerin suraımyn", - dedi ákim aýdan turǵyndaryn sabyrǵa shaqyryp.
