Energetika ministrligi áleýmettik jelilerde Eýraziialyq ekonomikalyq odaqta (EAES) munai men munai ónimderiniń ortaq naryǵy iske qosylǵannan keiin benzin baǵasy ósedi degen pikirlerge jaýap berdi, dep habarlaidy Dalanews.kz.
Vedomstvo ókilderi Tengrinews.kz agenttigine bergen jaýabynda kórshiles eldermen baǵany avtomatty túrde teńestirý josparlanbaǵanyn, sondyqtan janarmai qunynyń kúrt qymbattaýy kútilmeitinin málimdedi.
Ministrliktiń sózinshe, 2027 jyldan bastap iske asyrylatyn ortaq naryq baǵany bir sátte ózgertý emes, salalyq erejeler men zańnamany kezeń-kezeńimen úilestirýdi kózdeidi. Iaǵni, janarmai quiý beketterindegi baǵalar birden ózgermeidi.
Sonymen birge bilik kórshiles eldermen baǵa aiyrmashylyǵy tym úlken bolsa, janarmaidyń zańsyz syrtqa áketilýi múmkin ekenin jáne bul ishki naryqta tapshylyqqa ákelýi yqtimal ekenin atap ótti. Osy sebepti memleket jaǵdaidy baqylaýda ustaitynyn málimdedi.
