Energetika ministrligi elimizde janar-jaǵarmai baǵasyn kóterýge qatysty taraǵan aqparattyń shyndyqqa janaspaitynyn málimdedi. Vedomstvo málimetinshe, Qazaqstanda munai ónimderine qatysty baǵany ósirýge salynǵan moratorii áli kúshinde, dep habarlaidy Dalanews.kz.
Ministrlik AI-92 markaly benzin men dizel otynynyń baǵasy 2025 jyldyń 16 qazanyndaǵy deńgeide saqtalyp otyrǵanyn atap ótti. Tsifrlyq kartalarda nemese túrli servisterde kórsetilgen derekter resmi baǵaǵa negiz bola almaidy.
"Eger belgili bir janarmai quiý beketterinde belgilengen shekten joǵary baǵa tirkelse, jaýapty organdar ár jaǵdaidy jeke tekseretin bolady", - dep habarlady ministrliktiń baspasóz qyzmeti.
Vedomstvo janar-jaǵarmai naryǵyndaǵy jaǵdai únemi baqylaýda ekenin jetkizdi.
Málimdemege sáikes, baǵanyń negizsiz ósýine jol bergen sýbektilerge qatysty tiisti sharalar qabyldanady.
Ministrlik málimetinshe, janar-jaǵarmai baǵasyn kóterýge tyiym salatyn moratorii 2026 jyldyń naýryzynyń sońyna deiin jaramdy.
