Prezıdent Qasym-Jomart Toqaev Sybaılas jemqorlyqqa qarsy is-qımyl máseleleri jónindegi keńeste jemqorlyqty joıý baǵytyndaǵy birqatar sharalardy tanystyryp, shendilerdi qymbat avtokólik pen dúnıeler satyp alýyna shekteý qoıdy, – dep habarlaıdy Dalanews.kz.

– Elimizdiń quqyqtyq júıesi úshin múlde jańa ınstıtýttar bar. Memlekettik qyzmetshilerdiń jyljymaıtyn múlik, avtokólik jáne basqa da qymbat dúnıeler satyp alýy qatań baqylaýǵa alynady.

Sonymen qatar, sheneýnikterdiń adaldyǵyn tekserýge arnalǵan "Integrity check" (tekserý ádisi) ádisin atap ótýge bolady. Árıne, bul usynysty áli de jan-jaqty pysyqtaý qajet.

Degenmen, halyqaralyq tájirıbede mundaı tekserister jaqsy nátıje kórsetýde. Basqa da birqatar mańyzdy sharalardy júzege asyrýymyz kerek. Sondyqtan, búgin maǵan tanystyrylǵan tujyrymdamanyń jobasyn bekitemin. Alaıda, jumystyń tıimdiligin naqty nátıje boıynsha baǵalaıtyn bolamyn, – dedi Prezıdent.