Endi Ózbekstan azamattary buryn Reseı zańnamasyn buzǵan bolsa, Qazaqstanǵa da kirmeýi múmkin, dep habarlaıdy Dalanews.kz.

Qazaqstanǵa kelý-ketý erejelerindegi jańashyldyqqa baılanysty, Syrtqy ister mınıstrligi elimizge keletin Ózbekstan azamattaryna barlyq qajetti qujattardy ózimen birge alyp júrýdi usynady.

Reseı Federasıasynda bolǵan kezde tártip buzsa nemese aıyppul tólenbese, Qazaqstan bıligi Ózbekstan azamatynyń Qazaqstanǵa kelýine nemese odan shyǵýyna tyıym salý týraly sheshim qabyldaýy múmkin, – delingen habarlamada.

Syrtqy ister mınıstrligi Ózbekstan azamattary ózbek-qazaq nemese Reseı-Qazaqstan shekarasyn kesip ótken kezde Qazaqstanǵa ǵana emes, Reseı Federasıasyna da kirýge eshqandaı kedergilerdiń joqtyǵyna aldyn ala kóz jetkizýi kerek ekenin atap ótti.

7 mamyrda Tájikstannyń Syrtqy ister mınıstrligi de óz azamattaryna Qazaqstanǵa attanar aldynda barlyq qajetti qujattardy alýdy usynǵan edi.

Qazaqstannyń halyqaralyq áýejaılarynda engizilgen kúsheıtilgen qaýipsizdik sharalaryna baılanysty, Syrtqy ister mınıstrligi Tájikstan azamattaryna Qazaqstanǵa attanar aldynda ózderimen birge barlyq qajetti qujattardy alýdy usynady, – delingen habarlamada.