ەندٸ ٶزبەكستان ازاماتتارى بۇرىن رەسەي زاڭناماسىن بۇزعان بولسا, قازاقستانعا دا كٸرمەۋٸ مٷمكٸن, دەپ حابارلايدى Dalanews.kz.
قازاقستانعا كەلۋ-كەتۋ ەرەجەلەرٸندەگٸ جاڭاشىلدىققا بايلانىستى, سىرتقى ٸستەر مينيسترلٸگٸ ەلٸمٸزگە كەلەتٸن ٶزبەكستان ازاماتتارىنا بارلىق قاجەتتٸ قۇجاتتاردى ٶزٸمەن بٸرگە الىپ جٷرۋدٸ ۇسىنادى.
رەسەي فەدەراتسيياسىندا بولعان كەزدە تەرتٸپ بۇزسا نەمەسە ايىپپۇل تٶلەنبەسە, قازاقستان بيلٸگٸ ٶزبەكستان ازاماتىنىڭ قازاقستانعا كەلۋٸنە نەمەسە ودان شىعۋىنا تىيىم سالۋ تۋرالى شەشٸم قابىلداۋى مٷمكٸن, – دەلٸنگەن حابارلامادا.
سىرتقى ٸستەر مينيسترلٸگٸ ٶزبەكستان ازاماتتارى ٶزبەك-قازاق نەمەسە رەسەي-قازاقستان شەكاراسىن كەسٸپ ٶتكەن كەزدە قازاقستانعا عانا ەمەس, رەسەي فەدەراتسيياسىنا دا كٸرۋگە ەشقانداي كەدەرگٸلەردٸڭ جوقتىعىنا الدىن الا كٶز جەتكٸزۋٸ كەرەك ەكەنٸن اتاپ ٶتتٸ.
7 مامىردا تەجٸكستاننىڭ سىرتقى ٸستەر مينيسترلٸگٸ دە ٶز ازاماتتارىنا قازاقستانعا اتتانار الدىندا بارلىق قاجەتتٸ قۇجاتتاردى الۋدى ۇسىنعان ەدٸ.
قازاقستاننىڭ حالىقارالىق ەۋەجايلارىندا ەنگٸزٸلگەن كٷشەيتٸلگەن قاۋٸپسٸزدٸك شارالارىنا بايلانىستى, سىرتقى ٸستەر مينيسترلٸگٸ تەجٸكستان ازاماتتارىنا قازاقستانعا اتتانار الدىندا ٶزدەرٸمەن بٸرگە بارلىق قاجەتتٸ قۇجاتتاردى الۋدى ۇسىنادى, – دەلٸنگەن حابارلامادا.
