Májilis depýtaty Murat Ábenov Qazaqstanda qalyńdyq urlaýdy qylmystyq jaýapkershilikke tartý týraly usynysyn túsindirdi, dep habarlaidy Dalanews.kz.
Ol bul usynysty Qylmystyq, Qylmystyq-atqarý jáne Qylmystyq-protsestik kodeksterdi ońtailandyrý máseleleri boiynsha zań jobasy aiasynda engizgenin atap ótti.
“Men tiisti túzetý engizip, usynys jasadym, qazir ol jumys tobynyń qaraýynda. Ártúrli jaýapkershilik túrleri qarastyrylǵan, sonyń ishinde qylmystyq jaza – 3 jyldan 5 jylǵa deiin bas bostandyǵynan aiyrý, aiyppul salý, qoǵamdyq jumystarǵa tartý. Barlyǵy jaǵdaiǵa bailanysty belgilenedi. Eger bul qylmys birneshe adamnan quralǵan toppen jasalsa, eger jábirlenýshi kámeletke tolmaǵan bolsa nemese onyń densaýlyǵyna ziian keltirilse, onda jaza aýyr bolýy tiis. Óitkeni, bul – adamnyń erkinen tys urlaý, ony úide májbúrlep ustaý, psihologiialyq jáne fizikalyq qysym kórsetý. Zań jábirlenýshiniń jaǵynda bolýy kerek”, – dedi depýtat.
2024 jyly 4 jeltoqsanda Májilis depýtattary Murat Ábenov pen Edil Jańbyrshin “Mádeniet týraly” zańǵa engiziletin túzetýlerdi talqylaý barysynda qalyńdyq urlaý áreketterin synǵa aldy. Olardyń pikirin Májilis tóraǵasy Erlan Qoshanov ta qoldady. Depýtattar qalyńdyq urlaý úshin Qylmystyq kodekste jeke bap engizýdi usyndy.
