Onlain-kredit berýdiń jańa erejeleri kimderge áser etetinin jáne olar qalai iske asatynyn Qarjy naryǵyn retteý jáne damytý agenttigi túsindirdi, dep habarlaidy Dalanews.kz.
30 qyrkúiekten bastap elde tutynýshylyq kepilsiz onlain-qaryz berý kezinde «Sheshim qabyldaý kezeńi» qoldanylady. Endi aqsha kartaǵa keshigip túsedi:
- banktik qaryz sharty jasalǵannan keiin keminde 8 saǵattan soń – qaryz somasy 150 AEK-ten (589 800 teńge) 255 AEK-ke deiin (1 002 660 teńge) bolsa;
- keminde 24 saǵattan soń – banktik qaryz 255 AEK-ten (1 002 660 teńge) joǵary nemese mikrokredit 75 AEK-ten (294 900 teńge) joǵary bolsa;
- aqsha qaryz alýshyǵa tek belgilengen sheshim qabyldaý kezeńi ótken soń, onyń kelisimin alǵannan keiin ǵana aýdarylady.
Eger azamat bir kún ishinde birneshe qaryz alyp, olardyń jalpy somasy kórsetilgen limitten asyp ketse, bankter men mikroqarjy uiymdary da «sheshim qabyldaý kezeńin» saqtaýǵa mindetti. Qaryz alýshy osy ýaqyt ishinde oiyn ózgertip, kreditten bas tartsa, qaryz shartynyń kúshi joiylady.
Jańa erejeler taýarlyq kreditterge, ishki qaita qarjylandyrýǵa jáne tólem kartasy limiti shegindegi qaryzdarǵa (150 AEK-ke deiin – 589 800 teńge) qoldanylmaidy.
«Sheshim qabyldaý kezeńiniń basty maqsaty – qaryz alýshyǵa sheshimin oilanyp qabyldaýǵa ýaqyt berý jáne qaryz shartyn asyǵys jasasý nemese alaiaqtyq shemalarǵa tartylý yqtimaldyǵyn azaitý. Eger qaryz alýshyǵa qarajat shuǵyl qajet bolsa, ol árqashan bank nemese MQU bólimshesine júginip, sheshim qabyldaý kezeńinsiz qaryz rásimdei alady», – delingen agenttik habarlamasynda.
