Týrizm jáne sport ministrligi, Oqý-aǵartý ministrligi, Halyqaralyq dziýdo federatsiiasy, Qazaqstan dziýdo federatsiiasy jáne "Jeńis" sport klýby arasynda yntymaqtastyq týraly memorandýmǵa qol qoiyldy, dep habarlaidy Dalanews.kz.
Qujat mektep sportyn damytý baǵytynda taraptardyń turaqty ózara is-qimyl tetigin qalyptastyrýdy kózdeidi.
Qazaqstanda dziýdo sporty turaqty damyp keledi. Eldos Smetovtiń Parij Olimpiadasyndaǵy tarihi altyn júldesinen keiin bul sport túrine degen qyzyǵýshylyq edáýir artty. Qazir elimizde dziýdomen shamamen 90 myń adam ainalysady, al sportshylardy daiarlaýmen 1300-ge jýyq jattyqtyrýshy ainalysady.
Memleket basshysynyń tapsyrmasyna sáikes 2026 jyldan bastap elimizdiń 217 mektebinde dziýdo sektsiialyq baǵytta engiziledi. Bul baǵytta Halyqaralyq dziýdo federatsiiasy (IJF) oqýshylarǵa arnalǵan arnaiy jeńildetilgen baǵdarlama usynǵan.
Aldaǵy úsh jylda dziýdony myń mektepke engizý josparlanyp otyr. Basymdyq aýyl mektepterine beriledi. Baǵdarlama aiasynda bapkerlerdi daiarlaýǵa da erekshe kóńil bólinedi.
