Shymkentte “Eń adal” politseige qatysty sot úkimi shyqty. Azamat Aiymbetov 7 jylǵa bas bostandyǵynan aiyryldy. QR QK 366 baby 3 bóliginiń 1 tarmaǵynda kórsetilgen qylmystyq quqyq buzýshylyqty jasaǵany úshin kináli dep tanyldy, - dep habarlaidy Dalanews.kz Otyrar.kz-ke siltep.
Eks – politsei 700 myń teńge kóleminde para alǵanyn moiyndaǵan edi. Alaida aqsha alǵanyn moiyndasa da, qorqytyp-úrkitý faktileriniń bolǵanyn joqqa shyǵardy.
Aldyńǵy ótken sot otyrysynda Azamat Aiymbetov «kinámdi ishinara moiyndaimyn. Eshkimdi qorqytqan joqpyn, eshkimdi májbúrlegen joqpyn. Kinámdi ishinara moiyndaimyn» degen bolatyn.
Azamat Aiymbetov Ishki qaýipsizdik basqarmasynyń qyzmetkerlerimen naýryz aiynyń sońynda ustalǵan bolatyn.
Eske sala keteiik, 2021 jyly Azamat Aiymbetov óziniń bastyǵy bolǵan Muhtar Buqarbaevqa qarsy aryz jazǵan edi. Tipti, 2022 jyly Prezidentke úndeý joldap, Buqarbaevqa jasaǵan qymbat syilyqtary týraly aitqan. Aiymbetovtyń aryzynan keiin polkovnik Muhtar Buqarbaev 7 jylǵa bas bostandyǵynan aiyrylǵan. Osy oqiǵadan soń, eks politsei Azamat Aiymbetov «adal politsei» atanǵan edi.
