شىمكەنتتە “ەڭ ادال” پوليسەيگە قاتىستى سوت ۇكىمى شىقتى. ازامات ايىمبەتوۆ 7 جىلعا باس بوستاندىعىنان ايىرىلدى. ق ر قك 366 بابى 3 بولىگىنىڭ 1 تارماعىندا كورسەتىلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلدى، - دەپ حابارلايدى Dalanews.kz Otyrar.kz-كە سىلتەپ.
ەكس – پوليسەي 700 مىڭ تەڭگە كولەمىندە پارا العانىن مويىنداعان ەدى. الايدا اقشا العانىن مويىنداسا دا، قورقىتىپ-ۇركىتۋ فاكتىلەرىنىڭ بولعانىن جوققا شىعاردى.
الدىڭعى وتكەن سوت وتىرىسىندا ازامات ايىمبەتوۆ «كىنامدى ءىشىنارا مويىندايمىن. ەشكىمدى قورقىتقان جوقپىن، ەشكىمدى ماجبۇرلەگەن جوقپىن. كىنامدى ءىشىنارا مويىندايمىن» دەگەن بولاتىن.
ازامات ايىمبەتوۆ ىشكى قاۋىپسىزدىك باسقارماسىنىڭ قىزمەتكەرلەرىمەن ناۋرىز ايىنىڭ سوڭىندا ۇستالعان بولاتىن.
ەسكە سالا كەتەيىك، 2021 جىلى ازامات ايىمبەتوۆ ءوزىنىڭ باستىعى بولعان مۇحتار بۇقاربايەۆقا قارسى ارىز جازعان ەدى. ءتىپتى، 2022 جىلى پرەزيدەنتكە ۇندەۋ جولداپ، بۇقاربايەۆقا جاساعان قىمبات سىيلىقتارى تۋرالى ايتقان. ايىمبەتوۆتىڭ ارىزىنان كەيىن پولكوۆنيك مۇحتار بۇقاربايەۆ 7 جىلعا باس بوستاندىعىنان ايىرىلعان. وسى وقيعادان سوڭ، ەكس پوليسەي ازامات ايىمبەتوۆ «ادال پوليسەي» اتانعان ەدى.
