Ekiushty kezeń, ekiudaı kóńil kúıde ómir súrip jatqan qoǵambyz ǵoı,  jasyratyny joq. Másele Eltańbada tursa,  ony ózgertý kóp qıynǵa túspes... Al, anaý Ánurandy ne isteımiz,  avtorlar qatarynda el aıyptaǵan adam áli  jazylýly turǵany qalaı? Ol – ol ma,  mektep oqýlyqtarynda N.Nazarbaevtyń aıaǵyn  jerge tıgizbeı,  ulyǵa sanaǵan mátinder sol kúıi oqytylyp jatyr.  Muny kórgen ınternetten habary bar bala Eltańbasyna da,  basqasyna da qaraı ma? Túńilip qoldy bir siltegender,  ózimen-ózi bolyp ketkender kóp shyǵar...

Abaı Qunanbaevtyń "Birlik aqylǵa ǵana birigý kerek"  dep aıtqanyndaı, aqylǵa salýymyz kerek. Ol úshin eldiń ǵana emes, búkil azamattyń oıy bir jerden shyǵýy tıis. Biraq,  aqylǵa syımaıtyn kórinister memleket turmysynda kózge shyqqan súıeldeı kórinip tursa,  qaıtip birlik bolmaq sanada?

İri qalalardaǵy áýejaı mańdaıynda aıǵaılap turǵan atty óshirmeı,  bárin bir izge túsirmeı,  rámizderdi qansha qulpyrtsaq ta qozǵalys bolmas. Balaǵa kámpıt bergendeı aldap,  kóńilin basqaǵa aýdaratynnan ósip ketti ǵoı qoǵam.  

Jalpy, Eltańbany ózgertý, ózgertpeýdi eldiń talqysyna salý kerek. Eltańbany el taný úshin jumysty tereńnen bastap,  elimen maqtana alatyndaı dárejege jetkizýimiz kerek.

Darıǵa MUSHTANOVA

Qazaqstan Jazýshylar odaǵynyń múshesi, "Parasat" ordeniniń ıegeri