ەكىۇشتى كەزەڭ، ەكىۇداي كوڭىل كۇيدە ءومىر ءسۇرىپ جاتقان قوعامبىز عوي، جاسىراتىنى جوق. ماسەلە ەلتاڭبادا تۇرسا، ونى وزگەرتۋ كوپ قيىنعا تۇسپەس... ال، اناۋ ءانۇراندى نە ىستەيمىز، اۆتورلار قاتارىندا ەل ايىپتاعان ادام ءالى جازىلۋلى تۇرعانى قالاي؟ ول – ول ما، مەكتەپ وقۋلىقتارىندا ن.نازاربايەۆتىڭ اياعىن جەرگە تيگىزبەي، ۇلىعا ساناعان ماتىندەر سول كۇيى وقىتىلىپ جاتىر. مۇنى كورگەن ينتەرنەتتەن حابارى بار بالا ەلتاڭباسىنا دا، باسقاسىنا دا قاراي ما؟ تءۇڭىلىپ قولدى ءبىر سىلتەگەندەر، وزىمەن-وزى بولىپ كەتكەندەر كوپ شىعار...
اباي قۇنانبايەۆتىڭ "بىرلىك اقىلعا عانا بىرىگۋ كەرەك" دەپ ايتقانىنداي، اقىلعا سالۋىمىز كەرەك. ول ءۇشىن ەلدىڭ عانا ەمەس، بۇكىل ازاماتتىڭ ويى ءبىر جەردەن شىعۋى ءتيىس. بءىراق، اقىلعا سىيمايتىن كورىنىستەر مەملەكەت تۇرمىسىندا كوزگە شىققان سۇيەلدەي كورىنىپ تۇرسا، ءقايتىپ بىرلىك بولماق سانادا؟
ءىرى قالالارداعى اۋەجاي ماڭدايىندا ايعايلاپ تۇرعان اتتى وشىرمەي، ءبارىن ءبىر ىزگە تۇسىرمەي، رامىزدەردى قانشا قۇلپىرتساق تا قوزعالىس بولماس. بالاعا كامپيت بەرگەندەي الداپ، كوڭىلىن باسقاعا اۋداراتىننان ءوسىپ كەتتى عوي قوعام.
جالپى، ەلتاڭبانى وزگەرتۋ، وزگەرتپەۋدى ەلدىڭ تالقىسىنا سالۋ كەرەك. ەلتاڭبانى ەل تانۋ ءۇشىن جۇمىستى تەرەڭنەن باستاپ، ەلىمەن ماقتانا الاتىنداي دارەجەگە جەتكىزۋءىمىز كەرەك.
داريعا مۇشتانوۆا
قازاقستان جازۋشىلار وداعىنىڭ مۇشەسى، "پاراسات" وردەنىنىڭ يەگەرى
