Elshilik pen SİM Taıaý shyǵystaǵy jaǵdaıǵa baılanysty shuǵyl málimdeme jasady, - dep habarlaıdy Dalanews.kz.
Taıaý Shyǵystaǵy jaǵdaıdyń ushyǵýyna baılanysty Qazaqstannyń Tel-Avıvtegi Elshiligi Izraıldegi barlyq Qazaqstan azamattaryna qaýipsizdik sharalaryn barynsha kúsheıtýdi, saqtyq pen qyraǵylyq tanytýdy, sońǵy jańalyqtardy qadaǵalaýdy, sondaı-aq Qazaqstan Elshiligimen baılanysta bolýdy suraıdy.
Izraıldegi Qazaqstan azamattary úshin jedel jeli telefon nómirleri:
Qazaqstannyń Izraıldegi elshiliginiń baılanys nómirleri:
+972 (3) 503 78 85 (kezekshi)
+972 53 635 19 83 (uıaly telefon, WhatsApp)
+972 55 273 38 13 (uıaly telefon, WhatsApp)
+7 700 111 31 96 (WhatsApp)
Qazaqstannyń Izraıldegi, Irandaǵy jáne Lıvandaǵy elshilikteri osy elderdiń ýákiletti organdarymen turaqty baılanysta.
"Osy ýaqytqa deıin Qazaqstan Respýblıkasynyń zardap shekken nemese qaza tapqany týraly aqparat túspedi. Kúrdeli áskerı, saıası jaǵdaıǵa baılanysty jáne Qazaqstan azamattarynyń qaýipsizdigin qamtamasyz etý maqsatynda SİM Ortalyq referendým komısıasymen birlesip, Izraıldegi, Irandaǵy jáne Lıvandaǵy referendýmdy ýchaskeleriniń qyzmetin ýaqytsha toqtatý týraly sheshim qabyldady", - deıdi SİM resmı ókili Aıbek Smadıarov.
Eske salaıyq, 2 qazanǵa qaraǵan túni Iran Izraıldi raketamen atqylady. Bul týraly Izraıl áskeri málimdedi.
Búkil Izraıl aýmaǵynda dabyl qaǵylyp, turǵyndarǵa qaýipsiz jerge tyǵylýǵa buıryq berildi.
Izraıl áskeri Iran 400 raketa jiberdi dep otyr.
Al Iran Islam revolúsıasy saqshylar korpýsynyń arnaıy jasaǵy bul shabýyldy HAMAS lıderi Ismaıl Hanıanyń, "Hezbolla" lıderi Hasan Nasyrallanyń jáne Iran jasaǵynyń komandıri Abbas Nılfrýshanyń ólimine jaýap ekenin málimdedi.
Izraıl telearnasynyń 12 arnasynyń habarlaýynsha, evreı memleketi áýe keńistigin japty. Irak pen Iordanıa da osyndaı sheshim qabyldady.
