ەلشىلىك پەن ءسىم تاياۋ شىعىستاعى جاعدايعا بايلانىستى شۇعىل مالىمدەمە جاسادى، - دەپ حابارلايدى Dalanews.kz.
تاياۋ شىعىستاعى جاعدايدىڭ ۇشىعۋىنا بايلانىستى قازاقستاننىڭ تەل-اۆيۆتەگى ەلشىلىگى يزرايلدەگى بارلىق قازاقستان ازاماتتارىنا قاۋىپسىزدىك شارالارىن بارىنشا كۇشەيتۋدى، ساقتىق پەن قىراعىلىق تانىتۋدى، سوڭعى جاڭالىقتاردى قاداعالاۋدى، سونداي-اق قازاقستان ەلشىلىگىمەن بايلانىستا بولۋدى سۇرايدى.
يزرايلدەگى قازاقستان ازاماتتارى ءۇشىن جەدەل جەلى تەلەفون نومىرلەرى:
قازاقستاننىڭ يزرايلدەگى ەلشىلىگىنىڭ بايلانىس نومىرلەرى:
+972 (3) 503 78 85 (كەزەكشى)
+972 53 635 19 83 (ۇيالى تەلەفون، WhatsApp)
+972 55 273 38 13 (ۇيالى تەلەفون، WhatsApp)
+7 700 111 31 96 (WhatsApp)
قازاقستاننىڭ يزرايلدەگى، يرانداعى جانە ليۆانداعى ەلشىلىكتەرى وسى ەلدەردىڭ ۋاكىلەتتى ورگاندارىمەن تۇراقتى بايلانىستا.
"وسى ۋاقىتقا دەيىن قازاقستان رەسپۋبليكاسىنىڭ زارداپ شەككەن نەمەسە قازا تاپقانى تۋرالى اقپارات تۇسپەدى. كۇردەلى اسكەري، ساياسي جاعدايعا بايلانىستى جانە قازاقستان ازاماتتارىنىڭ قاۋىپسىزدىگىن قامتاماسىز ەتۋ ماقساتىندا ءسىم ورتالىق رەفەرەندۋم كوميسسياسىمەن بىرلەسىپ، يزرايلدەگى، يرانداعى جانە ليۆانداعى رەفەرەندۋمدى ۋچاسكەلەرىنىڭ قىزمەتىن ۋاقىتشا توقتاتۋ تۋرالى شەشىم قابىلدادى"، - دەيدى ءسىم رەسمي وكىلى ايبەك سمادياروۆ.
ەسكە سالايىق، 2 قازانعا قاراعان ءتۇنى يران ءيزرايلدى راكەتامەن اتقىلادى. بۇل تۋرالى يزرايل اسكەرى مالىمدەدى.
بۇكىل يزرايل اۋماعىندا دابىل قاعىلىپ، تۇرعىندارعا ءقاۋىپسىز جەرگە تىعىلۋعا بۇيرىق بەرىلدى.
يزرايل اسكەرى يران 400 راكەتا جىبەردى دەپ وتىر.
ال يران يسلام ريەۆوليۋسياسى ساقشىلار كورپۋسىنىڭ ارنايى جاساعى بۇل شابۋىلدى حاماس ليدەرى يسمايل حانيانىڭ، "حەزبوللا" ليدەرى حاسان ناسىراللانىڭ جانە يران جاساعىنىڭ كومانديرى ابباس نيلفرۋشانىڭ ولىمىنە جاۋاپ ەكەنىن مالىمدەدى.
يزرايل تەلەارناسىنىڭ 12 ارناسىنىڭ حابارلاۋىنشا، ەۆرەي مەملەكەتى اۋە كەڭىستىگىن جاپتى. يراك پەن يوردانيا دا وسىنداي شەشىم قابىلدادى.
