Departament basshysy Astana qalasy Ádilet departamentiniń qyzmetkerleri atynan kez kelgen adamǵa habarlasyp, aldap ári sendirý arqyly aqshasyna qol suǵyp júrgenin qozǵap ótti.
– Shabýyldaýshylar jalǵan ónimdi internet, áleýmettik jeliler arqyly joǵary baǵada satý shemasy arqyly jasaidy. Ári qarai, alaiaqtar jábirlenýshilerge ózderin Ádilet departamentiniń qyzmetkerleri retinde tanystyrady, alaiaqtardyń ustalǵany týraly habarlaidy, jalǵan kýálikter beredi jáne ótemaqy tóleýge ýáde beredi. Alaida aldyn-ala komissiia túrinde tólem talap etedi, – deidi Evgeniia Holmetskaia.
Ol sóz arasynda 2023 jyldyń basynan bastap, Astana qalasynyń Ádilet departamentinde joǵaryda atalǵan alaiaqtyq áreketteri boiynsha 2 jaǵdai anyqtalǵanyn tilge tiek etti. Atalǵan alaiaqtyq áreketti jasaýshy azamat ózin Ádilet departamentiniń qyzmetkerimin dep tanystyryp, Sergei Nikolaevich Jýravlev esimine berilgen jalǵan qyzmettik tólqujatyn kórsetken.
– Ol azamattardan qaryz somasyn tóleýin, tólem bolmaǵan jaǵdaida ústemaqy ósetinin jáne qosymsha Ádilet departamentiniń atqarǵan jumysy úshin komissiialar bolatynyn aityp, qorqytyp, qoqan loqy kórsetkeni anyqtaldy. Osyǵan bailanysty, azamattardy habardar etemiz, Ádilet departamenti materialdyq-qarjylyq ótemaqy bermeidi.
Búgingi kúnge deiin bizge Ádilet departamentine respýblikanyń túkpir-túkpirinen kelgen azamattarymyzdan Astana qalasy Ádilet departamentiniń qazirgi qyzmetkerleri týraly naqtylaý úshin qońyraýlar kelip túsedi, – deidi Astana qalasy Ádilet departamenti basshysynyń orynbasary.
Osyǵan bailanysty, Astana qalasynyń Ádilet departamenti Qazaqstan Respýblikasynyń barlyq azamattaryn ózderiniń belsendi azamattyq ustanymdaryn kórsetýge, atap aitqanda, Astana qalasy Ádilet departamentiniń qyzmetkerleri usynatyn alaiaqtar týraly ózderiniń jaqyndaryn, dostary men tanystaryn eskertýge,áleýmettik jelilerde aqparat taratýǵa shaqyrady.
– Biz azamattardan saq bolýǵa shaqyra otyryp, alaiaqtardyń arandatýyna men senimine berilmeýlerin suraimyz. Osyndai jaǵdailar týyndaǵan jaǵdaida azamattar Almaty qalasy Ádilet departamentiniń qazirgi qyzmetkerleri týraly aqparat alý úshin, 8/7172/32-55-18, 32-85-81 nómirine qońyraý shala alady, sondai-aq Astana qalasy Ádilet departamentiniń qazirgi qyzmetkerleri týraly Astana qalasy Ádilet departamentiniń resmi saitynan kóre alady, – dep sózin aiaqtady.
