Департамент басшысы Астана қаласы Әділет департаментінің қызметкерлері атынан кез келген адамға хабарласып, алдап әрі сендіру арқылы ақшасына қол сұғып жүргенін қозғап өтті.
– Шабуылдаушылар жалған өнімді интернет, әлеуметтік желілер арқылы жоғары бағада сату схемасы арқылы жасайды. Әрі қарай, алаяқтар жәбірленушілерге өздерін Әділет департаментінің қызметкерлері ретінде таныстырады, алаяқтардың ұсталғаны туралы хабарлайды, жалған куәліктер береді және өтемақы төлеуге уәде береді. Алайда алдын-ала комиссия түрінде төлем талап етеді, – дейді Евгения Холмецкая.
Ол сөз арасында 2023 жылдың басынан бастап, Астана қаласының Әділет департаментінде жоғарыда аталған алаяқтық әрекеттері бойынша 2 жағдай анықталғанын тілге тиек етті. Аталған алаяқтық әрекетті жасаушы азамат өзін Әділет департаментінің қызметкерімін деп таныстырып, Сергей Николаевич Журавлев есіміне берілген жалған қызметтік төлқұжатын көрсеткен.
– Ол азаматтардан қарыз сомасын төлеуін, төлем болмаған жағдайда үстемақы өсетінін және қосымша Әділет департаментінің атқарған жұмысы үшін комиссиялар болатынын айтып, қорқытып, қоқан лоқы көрсеткені анықталды. Осыған байланысты, азаматтарды хабардар етеміз, Әділет департаменті материалдық-қаржылық өтемақы бермейді.
Бүгінгі күнге дейін бізге Әділет департаментіне республиканың түкпір-түкпірінен келген азаматтарымыздан Астана қаласы Әділет департаментінің қазіргі қызметкерлері туралы нақтылау үшін қоңыраулар келіп түседі, – дейді Астана қаласы Әділет департаменті басшысының орынбасары.
Осыған байланысты, Астана қаласының Әділет департаменті Қазақстан Республикасының барлық азаматтарын өздерінің белсенді азаматтық ұстанымдарын көрсетуге, атап айтқанда, Астана қаласы Әділет департаментінің қызметкерлері ұсынатын алаяқтар туралы өздерінің жақындарын, достары мен таныстарын ескертуге,әлеуметтік желілерде ақпарат таратуға шақырады.
– Біз азаматтардан сақ болуға шақыра отырып, алаяқтардың арандатуына мен сеніміне берілмеулерін сұраймыз. Осындай жағдайлар туындаған жағдайда азаматтар Алматы қаласы Әділет департаментінің қазіргі қызметкерлері туралы ақпарат алу үшін, 8/7172/32-55-18, 32-85-81 нөміріне қоңырау шала алады, сондай-ақ Астана қаласы Әділет департаментінің қазіргі қызметкерлері туралы Астана қаласы Әділет департаментінің ресми сайтынан көре алады, – деп сөзін аяқтады.
