Elordalyq Qazaqstan halqy Assambleiasy Dostyq úiiniń bazasynda sý tasqynynan zardap shekken óńirlerdiń turǵyndary úshin gýmanitarlyq kómek jinaý boiynsha áleýmettik aktsiia uiymdastyrdy, dep habarlaidy Dalanews.kz Astana ákimdiginiń resmi saityna silteme jasap.
Gýmanitarlyq kómek Aqmola jáne Qaraǵandy oblystarynyń turǵyndaryna jetkiziledi. Zardap shekkenderge kiim-keshek, azyq-túlik, jeke kútim, tósek-oryn, ydys-aiaq jáne dári-dármekter jinaldy.
Hasan Sharipovtyń tóraǵalyǵymen qurylǵan qalalyq shtab gýmanitarlyq kómek jinaý jumystaryn úilestiredi jáne taýarlardy qabyldaý men túsirýge kómek kórsetedi.
"Biz Qazaqstan halqy Assambleiasy men etnomádeni ortalyqtardyń atynan sý tasqynynan zardap shekkenderge qoldaý kórsetemiz. Óńirlerde tótenshe jaǵdai jariialanǵannan keiin biz gýmanitarlyq kómek jinadyq", - dep atap ótti qalalyq shtab tóraǵasy jáne QHA múshesi Hasan Sharipov.
Aktsiiaǵa elorda turǵyndary, QHA jastar qanatynyń eriktileri men metsenattar qatysty. Sondai-aq azyq-túlik jetkizgen "Astana" balalar fýtbol klýbynyń músheleri kómekke mańyzdy úles qosty.
Qazirgi ýaqytta qala Assambleiasynyń músheleri men eriktiler sý tasqynynan zardap shekkenderge jalpy somasy 5 mln 200 teńgege kómek kórsetti.
Esterińizge sala keteiik, Astanada gýmanitarlyq kómek qabyldaýdyń 9 pýnkti uiymdastyrylyp, jiyny 30-ǵa jýyq eriktiler uiymy qatysýda. Kún saiyn 200-den astam erikti qajetti zattardy suryptaýǵa jáne jóneltýge kómek kórsetedi.
Aita ketý kerek, eriktiler qarjylyq kómekti qabyldamaidy. Niet bildirýshiler jinaý oryndaryna qajetti ónimderdi jinap, apara alady.
