Astana qalasy №81 Astana English school halyqaralyq mektebiniń 1-synyp oqýshysy Nurlan Baqdaýlet «StemCo» halyqaralyq olimpiadasyna qatysyp altyn medal ielendi, - dep habarlaidy Dalanews.kz elorda ákimdiginiń resmi saityna silteme jasap.
Alǵashqy onlain kezeńnen súrinbei ótken jeti jastaǵy oqýshy Singapýr qalasynda ótetin finaldyq kezeńge joldama aldy.
Ótken jyly ǵana mektep tabaldyryǵyn attaǵan Nurlan Baqdaýlet «Matematika jáne science» páni boiynsha úzdik nátije kórsetip, qarsylastary ishinen oza shaýyp, birinshi orynǵa taban tirep, elimizdiń atyn asqaqtatty.
Sondai-aq 4-synyp oqýshysy Zere Aqbolat «Jaratylystaný» páni boiynsha baq synap, úshinshi orynǵa ie bolyp, qola medal enshiledi.
