Qazirgi kúni qalada koronavırýs ınfeksıasyn juqtyrǵandar sany – 10 070. Emdelip shyqqan adamdar sany – 6766, nemese 67,1% paıyz, al sońǵy bir apta ishinde jazylyp shyqqandar sany – 1563 adamdy qurady, demek naýqastardyń shamamen 25%-i ótken aptada saýyqty.
1758 adam stasıonarlarda em alyp jatyr. Aýyr haldegi naýqastar sany 34%-ke azaıdy, ıaǵnı 199-dan 132 adamǵa deıin. Prezıdenttiń tapsyrmasyna sáıkes, qabyldanǵan birqatar sharalar nátıjesinde karantın engizilgen sátten bastap KVI boıynsha jaǵdaıdyń naqty turaqtanýy baıqalady.
Óz kezeginde densaýlyq saqtaý uıymdaryna túsken salmaq edáýir azaıdy. Naqtyraq aıtqanda jedel járdemge turǵyndardyń júginý sany táýligine 4300-den 1600-ge deıin, ıaǵnı 3 esege tómendedi. Koronavırýs ınfeksıasy boıynsha jedel járdemge júginý táýligine 500-den 73-ke deıin azaıdy. Elordada stasıonarlardyń júktemesi de retteldi. Jedel sharalar nátıjesinde 99%-ten 45%-ke deıin tómendedi. Pnevmonıamen jatqan adamdar sany 45% paıyzǵa, ıaǵnı 1348 den – 746 ǵa dein azaıdy.
