Elordada bolymysy bólek, zaman talabyna sai pedagogikalyq keńes ótti: 30 naýryz 2023

Elordada Astana qalasy Bilim basqarmasynyń uiymdastyrýymen «Urpaq tárbiesi – Ult bolashaǵy» atty qalalyq biryńǵai pedagogikalyq keńes ótti. Oǵan qalalyq ákimdik ókilderi, bilim berý uiymdarynyń basshylary, elordanyń 1500-ge jýyq ustazdary men ata-analary qatysty, – dep habarlaidy Dalanews.kz.

TEDx Talks erkin formatynda ótkken pedagogikalyq keńeste Astana qalasy Bilim basqarmasy basshysynyń orynbasary Marjan Kairbaeva, «Ákeler Odaǵy» respýblikalyq qoǵamdyq birlestiginiń tóraǵasy Maqsutbek Aitmaǵanbet, kóshbasshylyq jáne motivatsiia boiynsha jattyqtyrýshy, «Jańa urpaq» respýblikalyq kóshbasshylyq mektebiniń negizin qalaýshy Ashat Abjanov, «Qoǵamnyń jańarýy» qoǵamdyq birlestiginiń basshysy Vladimir Evdokimov, «Bilim-Innovatsiia» halyqaralyq qoǵamdyq qorynyń tárbie bóliminiń basshysy Samat Smaqov, Q.Sátbaev atyndaǵy «BINOM SCHOOL» mektep-litseiiniń direktory Quralai Baitajikova jáne №37 mektep-litseiiniń pedagogi Medet Bilál sóz alyp, tájiribelerimen bólisti. Olar ata-ana men bala, ustaz ben oqýshy arasyndaǵy qarym-qatynas taqyrybynda oi órbitti.

Mundai formatta pedagogikalyq keńes Astanada alǵash ret ótip otyr. Jiyn otbasy men mekteptiń yntymaqtastyǵyna, otbasylyq tárbiege baǵyttaldy.

– Men eń aldymen, pedagog retinde de, ata-ana retinde de bala tárbiesi birinshi kezektegi mindet ekenin, bul ata-analardyń da, tárbieshilerdiń de ózara jaýapkershiligi ekenin aitqym keledi. Ózderińiz bilesizder, ata-ana men bala arasyndaǵy senimdi qarym-qatynasty qurý úshin qoǵamdaǵy ákeler men analardyń rólin arttyrý olardy mektep ómirine jumyldyrýǵa, tabysty otbasylardyń tájiribesin taratýǵa baǵyttaý úshin elordanyń «Ákeler keńesi» men «Analar mektebin» qurǵan bolatynbyz. Qazirgi tańda eki uiym da belsendi jumys isteidi, – dedi Astana qalasy Bilim basqarmasy basshysynyń orynbasary Marjan Jambylqyzy.

Pedagogikalyq keńes barysynda balalar men jasóspirimderdi tárbieleýdiń, ata-ana róliniń, eresekter men balalar arasyndaǵy qarym-qatynasty jolǵa qoiýdyń mańyzdy máseleleri kóterildi.

– Bul – jańa joba. Ózderińiz baiqaǵandai, erkin formatta ótedi. Pedagogikalyq keńeste tek atqarylǵan jumys boiynsha eseppen shektelmeý qajet. Spikerlerdi de arnaiy iriktep aldyq. Olar bilim berý uiymdarynyń ókilderine motivatsiialyq ári tárbielik turǵyda bala tárbiesine qatysty mańyzdy aqparattarymen bólisti. Bárimizge belgili, balaǵa áýeli tárbie berý kerek. Odan keiin bilim berý qajet. Búgin 200-den asa ata-ana, 600-den asa synyp jetekshisi, 200-den asa bilim berý uiymynyń basshysy, 200-den asa mektep direktorynyń orynbasary jáne mektep psihologtary men áleýmettik pedagogtar qatysty, – dedi Astana qalasy Ádistemelik ortalyǵynyń basshysy Syndar Dáýeshova.

Sondai-aq, búgingi pedagogikalyq keńestegi dialog mektepter qyzmetiniń baǵyttaryn, ata-analardyń balalaryn tárbieleý týraly kózqarastaryn qaita qaraýǵa múmkindik beredi, jańa is-áreketterge belgili bir bastama bolady.

Esterińizge sala keteiik, Memleket basshysy óz Joldaýlary men tapsyrmalarynda elimizdegi adami kapitaldy damytý qajettiligine únemi nazar aýdarady, bul óz kezeginde bilim berý júiesin jan-jaqty damytýdy kózdeidi. Atalǵan iste ata-ana men ustazdyń yntymaqtastyǵynyń róli orasan ekeni anyq.

Elordada bolymysy bólek, zaman talabyna sai pedagogikalyq keńes ótti

Oqi otyryńyz

Qazaqstan mektepterinde «Iassaýitaný» páni oqytyla bastady

Qazaqstanda bolashaq dárigerlerdi daiarlaý tártibi ózgeredi: Aimaǵambetov málimdeme jasady

⁠Elordaǵa bólek zań: ókilettikter keńeiedi