Sailaýshylardyń «Aq jol» qabyldaýyna kelgendegi máseleleri ártúrli boldy, negizinen – jeke sipattaǵy suraqtar.
Depýtat Erlan Barlybaevqa gazdandyrý máselesi boiynsha Nur-Sultan qalasy N.Ahmetbekov jáne Ó.Jánibek kósheleriniń turǵyndary atynan M.Rahymǵulov júgindi. Olardy jumystyń baiaý júrip jatqany mazalaityndaryn aitty. Turǵyndar jergilikti biliktiń tiisti baqylaýdy júrgizbegenine, gazdandyrýdy aiaqtaýǵa qyzyǵýshylyq tanytpaǵanyna shaǵymdandy.
– Jeke tulǵalardyń bankrottyǵy týraly zań bolǵan jaǵdaida mundai problema sonshalyqty ótkir bolmas edi. Mundai jaǵdaida bankrottyqty basqarýshylar tabysty proportsionaldy túrde bóler edi: 50% – kreditterdi óteýge, 50% – otbasynyń turmys-tirshiligine. Mundai ótinishter kóbeiip keledi, ásirese koronakrizis kezeńinde. Bizdiń partiia qatardaǵy azamattardyń múddelerin qorǵaý boiynsha jumysty jalǵastyrady. Biz jeke tulǵalardyń bankrottyǵy týraly zańnyń qabyldanýy úshin qolymyzdan kelgenniń bárin jasaimyz. «Aq jol» partiiasy mundai zań jobasyna bastamashy boldy, biraq ókinishke orai, ol qoldanysqa engizilmedi, – dep atap ótti D.Espaeva.
Depýtat Merýert Qazbekovaǵa turǵyn úi máselesimen astanalyq Raihan Kamalova keldi. Ótinish berýshiniń aitýynsha, fraktsiia depýtattarynyń qabyldaýynda bolǵan tanystary oǵan «Aq jolǵa» júginýge keńes bergen. Kamalovanyń aitýynsha, ony turǵyn úi kezegine qoimaidy, JAO jaýapty qyzmetkerleri muny memlekettik turǵyn úi baǵdarlamalarynyń kriteriilerine sáikes kelmeitindigimen túsindiredi. Máselen, onyń zeinetaqysy eń tómengi kúnkóris deńgeiinen joǵary.
– Partiia tiisti instantsiialarǵa resmi túrde júginetin bolady. Sodan keiin biz osy másele boiynsha, onyń ishinde Memlekettik baǵdarlamalar kriteriileri boiynsha anyqtyqty engizý úshin memlekettik organdardyń ókilin kezdesýge mindetti túrde shaqyramyz, – dep atap ótti M.Qazbekova.
(Material aqysy «Aq jol» partiiasynyń sailaý qory qarjysy esebinen tólendi)
