Elordada EKSPO alańynda «Qazaqstan – bar ǵumyrym!» atty alǵashqy jastar konventi ótti. Is-sharany Jastar saiasaty máseleleri basqarmasynyń qoldaýymen «Jańa adamdardar» jastar qozǵalysy uiymdastyrdy, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Konventke elimizdiń 20 qalasynan 8000-ǵa jýyq belsendi jas qatysty.
– Búgin adamdar jańa tanysyp, tájiribe almasatyn konvent ótip jatyr. Is-sharadan keiin olar óz qalalaryna oralady jáne jańa bailanystardyń arqasynda jańa jobalardy bastai alady. Ártúrli aimaqtarda ornalasqan bizdiń konvent shtabtary buǵan kómektesedi.
Bizdiń shtabtarymyzǵa jastar kelip, shyǵarmashylyqpen ainalysyp, bir-birimen áńgimelesip, eldegi ómirdi qalai jaqsartý kerektigi týraly oilana alatyn kampýstarǵa ainalady dep josparlap otyrmyz, – dep bólisti «Jańa adamdar» belsendisi Saǵi Saiasat.
Konventke qatysýshylar úshin mazmundy baǵdarlama daiyndaldy. Stilge, bilimge, bige, fýtbolǵa jáne basqa da is-sharalarǵa arnalǵan 15 taqyryptyq núkte uiymdastyryldy.
Sondai-aq, is-shara aiasynda aktsionerler shaiqasy ótti. «Jańa adamdardan» bastap 12 azamattyq kompaniia zańsyz qoqys úiindilerinen qiraǵan aialdamalarǵa deiingi áleýmettik máselelerdi sheshý taqyrybynda óz jobalaryn usyndy.
Daýys berý qorytyndysy boiynsha jeńimpaz tańdalady, ol óz ideiasyn iske asyrý úshin grant iegeri bolady.
Is-shara aiasynda belsendi jastarǵa arnalǵan media tulǵalar-rejisser Aitóre Joldasqali, jýrnalist Dinara Satjan, «Orda» tobynyń solisi Erbolat Bedelhan jáne basqalar sóz sóiledi.
Birinshi jastar konventi otandyq estrada juldyzdarynyń kontsertimen aiaqtaldy.
