Eki roýd-shoý aiasynda Máskeýdiń týristik múmkindikteri tanystyrylady jáne DMC-kompaniialardyń, ornalastyrý nysandary men qalanyń kórikti jerleriniń ókilderimen B2B túrindegi kezdesýler ótkiziledi.
Is-sharanyń mundai formaty eki eldegi týrizm salasy ókilderiniń ózderine áleýetti seriktester tabýyna jáne iskerlik bailanystaryn keńeitýine múmkindik beredi.
Basqosýǵa jinalǵan qonaqtar saiahattaýshylar úshin paidaly maqalalar, kórikti mekender, týristik baǵyttar kórsetilgen Discover Moscow portaly, sondai-aq Resei boiynsha saiahatty jyldam ári qarapaiym josparlaýǵa kómektesetin týristik tsifrlyq RUSSPASS qyzmeti siiaqty Máskeýdiń tsifrlyq ónimderimen tanysa alady.
Máskeý – 900 jylǵa jýyq tarihy bar zamanaýi jaily megapolis. Qala qonaqtary men turǵyndaryna kún saiyn 200-den astam túrli is-shara, 8000-nan artyq mádeni mura nysany (onyń ishinde úsheýi – IýNESKO-nyń mádeni mura nysany), júzdegen murajai, teatr jáne mádeni alańdar, myńdaǵan meiramhana qyzmeti usynylady.
Máskeýdiń Týrizm jónindegi komiteti atap ótkendei, bul qala kez kelgen – iskerlik, bilim alý, gastronomiialyq, mádeni, sporttyq jáne basqa da saiahat úshin ońtaily jaǵdailar men múmkindikter usyna alady.
Roýd-shoýǵa qatysý Máskeý qalasyna týristik baǵyt retinde qyzyǵýshylyq qalyptastyrýǵa múmkindik beredi jáne Qazaqstandaǵy týristik indýstriia ókilderin Máskeý boiynsha jańa týristik ónimderdi ázirleýge yntalandyrady.
Máskeý qalasynyń Týrizm jónindegi komiteti – Máskeýdi týristik baǵyt retinde búkil álem boiynsha ilgeriletýmen ainalysatyn resmi uiym. Máskeý qalasynyń Týrizm jónindegi komiteti kúshti brend qalyptastyrady jáne astananyń Reseidegi jáne halyqaralyq arenadaǵy týristik ortalyq retindegi jaǵymdy imidjin jasaidy. Bul zańnamalyq bastamalar, kongress-kórme qyzmeti, týrizm salasyndaǵy is-sharalar men imidjdik jobalar arqyly júzege asyrylady.
