Astana qalasy Qorshaǵan ortany qorǵaý jáne tabiǵatty paidalaný basqarmasy «JARYQ AQ-JOL» JShS, «Astana ormany» JShS, «Astana vetservis» ShJQ KMK jáne Aqmola oblysy orman jáne janýarlar dúniesi aýmaqtyq inspektsiiasymen birlesip, elordanyń sanitariialyq-qorǵaý jasyl aimaǵyna 325 jetisý qyrǵaýylyn ushyrdy, dep habarlaidy Dalanews.kz.
Is-sharaǵa sonymen qatar Astana máslihatynyń depýtattary men qoǵamdyq keńes músheleri qatysty.
«Bul qustardyń ekinshi partiiasy ekenin aita ketken jón. Birinshi partiiada 850 bas qus biylǵy sáýir aiynda ushyrylǵan bolatyn. Jyl saiyn elordanyń sanitariialyq-qorǵaý jasyl aimaǵyna shamamen 1 500 dana qyrǵaýyl ushyrylady. Bul qyrǵaýyldardyń mekendeý aiasyn keńeitýge, jańa aýmaqtardy qonystandyrý arqyly jasandy orman alqabyndaǵy ziiankesterge qarsy biologiialyq kúres júrgizýge yqpal etedi. Iaǵni qyrǵaýyldardy jasandy ormanǵa ushyrý ondaǵy ziiandy jándikterdiń sanyn azaitýǵa septigin tigizedi», – dedi Astana qalasy Qorshaǵan ortany qorǵaý jáne tabiǵatty paidalaný basqarmasy kógaldandyrý jáne tabiǵatty paidalaný bóliminiń basshysy Saǵynysh Saǵyntaev.
Onyń aitýynsha, elordanyń jasyl beldeý aimaǵyndaǵy jasyl jelek, qamys butalar, jaiylymdar jáne dándi daqyldardyń agrotsenozy qyrǵaýyldardyń tirshilik etýine qolaily.
«Qyrǵaýyldar aiazǵa tózimdi, olarǵa erekshe kútim qajet emes, tek qysta azyqtandyrý qajet. Qyrǵaýyldardyń qoregi negizinen ósimdik, jidekter, tamyrlar. Sonymen qatar bul qustar jándiktermen de qorektenedi. Qyrǵaýyldar elordanyń sanitariialyq-qorǵaý jasyl aimaǵynda ornalasqan «fazanariide» ósiriledi. Qustarǵa únemi baqylaý jasalyp, qadaǵalaý júrgiziledi», – dedi Saǵynysh Saǵyntaev.
