Elorda KVI-ǵa qarsy erikti túrde 5 256 adam vaktsinatsiialandy
Keńes barysynda elordada koronavirýstyq infektsiianyń taralýyna jol bermeý, KVI-ge qarsy vaktsinatsiia, sondai-aq jospardan tys tekserýler júrgizý máseleleri talqylandy.
Elordanyń bas memlekettik sanitarlyq dárigeri Sarhat Beisenovanyń aitýynsha, qalada koronavirýstyq infektsiianyń tirkelgen jaǵdailarynyń sany kúnine 70-ten 143-ke deiingi aralyqty quraidy. Sońǵy aptadaǵy syrqattanýshylyq deńgeii aldyńǵy aptamen salystyrǵanda 9,9%-ǵa joǵary.
– Koronavirýs infektsiiasyn tirkeýdiń negizgi sebepteri turǵyndardyń karantindik sharalardy saqtamaýy bolyp sanalady, iaǵni adam kóp jinalatyn oryndarǵa barý, betperde taqpaý, patsienttermen jaqyn bailanysta bolǵan adamdardyń úi karantini rejimin saqtamaýy, – dep túsindirdi elordanyń sanitarlyq dárigeri.
Oqý jylynyń basynan bastap Nur-Sultan qalasy boiynsha barlyǵy 89 mektep karantinge jabyldy. Búginde 22 mektepte karantin jalǵasyp jatyr.
Qazirgi ýaqytta qalada kúnine 12 955 zertteý qýaty bar 24 zerthana jumys isteidi. Onda táýligine ortasha eseppen 3500-den 6000-ǵa deiin zertteý júrgiziledi.
Sonymen qatar, 12 naýryzdaǵy jaǵdai boiynsha KVI-ǵa qarsy vaktsinanyń 1 komponentimen 5 256 adam egildi, onyń ishinde 3 281-i – meditsina qyzmetkeri, 877-si – pedagog, 272-si – TJM, Qorǵanys ministrligi, UQK, IIM, QR MKQ jáne t.b. qyzmetiniń mamandary, 2 komponent 1 901 meditsina qyzmetkerine engizildi.
2021 jylǵy 1 qańtardan bastap sanitariialyq-epidemiologiialyq baqylaý basqarmasyna barlyǵy 287 shuǵyl habarlama kelip tústi, olardyń negizinde 280 jospardan tys tekserý júrgizildi, 60,5 mln teńgeden astam somaǵa 261 jeke jáne zańdy tulǵa ákimshilik jaýapkershilikke tartyldy.
Keńes barysynda elorda «qyzyl aimaqqa» engenine qaramastan jeke tulǵalar men kásipkerlik sýbektileri bas memlekettik sanitarlyq dárigerdiń buqaralyq is-sharalardy ótkizýge tyiym salý týraly Qaýlysynyń talaptaryn saqtamaityny atap ótildi.
Jiyn sońynda Baqtiiar Máken qalanyń Qoǵamdyq densaýlyq saqtaý basqarmasyna, sondai-aq múddeli memlekettik organdardyń bárine halyqty erikti túrde vaktsinatsiialaý boiynsha keń aýqymdy túsindirý jumystaryn júrgizýdi tapsyrdy.
– Epidbaqylaý departamentine koronovirýstyq infektsiiaǵa qarsy is-qimyl boiynsha baqylaý jáne qajetti sharalardy ýaqtyly qabyldaý jónindegi is-sharalardy jalǵastyrýdy tapsyramyn, – dep túiindedi elorda ákiminiń orynbasary.
