Elimizdiń baǵy bolǵan Elbasy
Ol taýǵa batyldyqpen sapar shegý úshin saǵan úlken daiyndyq kerek. Erinshektenip jata berseń óner ketedi, talaptansań nur bitedi. Mine bizdiń tuńǵysh prezidentimiz N.Á.Nazarbaevtyń halqy úshin jasap jatqan mańyzdy isterinen jarqyraǵan nurdy kóremiz. Elbasynyń «Bolashaqqa baǵdar: rýhani jańǵyrý» atty baǵdarlamalyq maqalasy qazaqstandyqtardyń rýhyn oiatyp, sanasyna silkinis týǵyzdy. Shyndyǵynda da, bul bizdiń kópten beri kókeiimizde júrgen qazaq halqynyń taǵdyryna qatysty tereń oilar. Maqalanyń árbir joly, árbir sózi – ózimizdiń osy kúnge deiingi jolymyz, tarihymyz, keleshekte atqarylatyn mindetterimiz. Otansúigishtik qai eldiń bolmasyn altyn bosaǵasy. Adam tánin jan bilese, Otan tánin halqynyń oǵan degen súiispenshiligi bileidi. Buǵan eshkimniń kúmáni joq.
Elbasymyz Nursultan Ábishuly Nazarbaev «Bolashaq» baǵdarlamasy boiynsha shetelde bilim alǵan túlektermen kezdesý barysynda «...patriot – ol Qazaqstandy shyn súietin, ulttyq qundylyqtardy qasterleitin, boiynda adaldyq, ar-namys, izgilik qasietteri bar halqynyń dástúri men Otanyna degen súiispenshiligi mol adam» degen bolatyn. Elbasymyzdyń rýhani jańǵyrý maqalasynda bizdiń qazirgi jáne keleshekte istelinetin jumystarymyz aitylǵan. Táýelsizdigimizdi alǵannan keiin bizdiń halyq 1995 jylǵa deiin daǵdarysty basynan ótkizdi, bul jaǵdai sol kezde kózi kórgen adamdardyń barlyǵyna aian. Dúkender qańyrap bos turdy, nannan basqa eshteme joq. Zeinetaqyny, eńbek jalaqasyn beretin aqsha joq. Mine osyndai qiyn-qystaý kezinde osyndai tyǵyryqtan shyǵýdyń jolyn Elbasymyz óziniń biliktiliginiń, aqyldylyǵynyń, keleshekti boljai biletin kóregendiginiń arqasynda sheshýge tyrysty jáne sheshti de. Sol kezeńde halyqty jaqsylyqqa aparatyn, eldiń múddesi úshin birneshe strategiialyq baǵdarlamalar jasalyndy. Shyndyǵynda da, Táýelsizdik jyldary qyrýar jumys atqaryldy.
Sonyń biri – «Bolashaq baǵdarlamasy» boldy. Elbasymyzdyń tikelei basshylyǵymen qurylǵan bul baǵdarlama sol kezde, qiyn jaǵdaiǵa qaramastan, on myńǵa jýyq jastardy álemniń úzdik ýniversitetterinde oqytyp, olardyń búkil qarajatyn úkimettiń qarjylandyrýy bul sol kezeńdegi halyqtyń bolashaǵy úshin jasalynǵan úlken jumys bolatyn. Ondaǵy maqsat-Táýelsiz elimizdi osyndai qiyn jaǵdaidan shyǵaryp alý úshin bilimdi jastarymyz álemdegi mańdaialdy ýniversitetterde bilim alyp, olardyń ozyq tájiribesin, bilimin meńgerip elimizdi damytýǵa órkendetýge at salý boldy. Ult tabysqa tek bilimniń arqasynda jetetindigin sol kezdiń ózinde osyndai ozyq úlgidegi baǵdarlamalar arqyly kórsetip berdi. Mine biyl tuńǵysh Prezidentimizdiń «Bolashaqqa baǵdar : rýhani jańǵyrý» baǵdarlamalyq maqalasyna da bir jyl boldy. Bul qujat – patriotizmniń negizi. Munda halyqtyń rýhani jáne materialdyq qundylyqtaryn jańǵyrtý jumystary boiynshada kóptegen máseleler kóterilgen. Ata-babamyzdan bizge mura bolyp qalǵan osyndai jerimizdi, tabiǵatymyzdy, taýymyzdy, dalamyzdy kózdiń qarashyǵyndai saqtap qana qoimai, onyń bailyǵyn únemdi, ysyrap qylmai oryndy paidalaný kerektigin mindetteidi. Ózimizdiń jerimizge nemquraily qaramaý, bolashaǵymyzdy durys josparlai bilý, ysyrapshyldyqqa, astamshyldyqqa, dańǵoilyqqa jol bermeý , munyń bári óz elińe , jerińe degen súiispenshilik qurmet bolyp sanalady. Naqty maqsatqa jetý úshin de azamattyń óz jerin, elin, Otanyn, halqyn súiýi jáne ony qurmetteýi - uly is. Osy oraida Elbasymyzdyń «Týǵan jer» baǵdarlamasynyń aýqymy óte keń.
Týǵan jer – árkimniń óziniń kindik qany tamǵan jeri, balalyq shaǵy ótken, ómir jolyna aiaq basqan ólkesi. Týǵan jerge, onyń salt-dástúrleri men ádet ǵurpyna, mádeni, tarihi eskertkishterine airyqsha yjdaǵattylyqpen atsalysý-shynaiy patriotizmniń mańyzdy kórinisteriniń biri.Sondai-aq, memleketimizdiń tuńǵysh prezidenti N.Á.Nazarbaevtyń AQSh prezidenti Donald Tramppen 2018 jylǵy qańtar aiyndaǵy kezdesýi óte joǵary deńgeide ótti deýge tolyq negiz bar.
Sebebi, Amerika prezidenti Elbasymyzǵa airyqsha yqylas kórsetip, aq úide kezdesý ótkizýi búkil eldiń qyzyǵýshylyǵyn týdyrdy. Qazaqstan basshysynyń bul sapary tek qazaqstandyqtar úshin ǵana emes, álem bolashaǵy úshin de mańyzdy kezdesý boldy. Bul sapar barysynda Elbasy birneshe máseleler boiynsha – ekonomikalyq, diplomatiialyq, ózara kelisim, saýda, mádeni, beibit, ǵylymi kelissózder júrgizdi. Munyń bári Qazaqstannyń jarqyn bolashaǵy úshin júrgizilgen aýqymdy jumystar boldy. Bul kezdesý eki eldiń ekijaqty qarym-qatynasyna qan júgirtti, Amerika prezidenti Qazaqstan memleketin óte senimdi seriktes dep atap ótti. Álemdegi sýperderjava bolyp eseptelinetin AQSh bileýshisiniń osyndai pikirdi aitýy biz úshin úlken mártebe boldy. Elbasynyń qazaq halqy úshin búgingi kúni jáne keleshek úshin atqaryp jatqan igi isteri ushan teńiz, sonyń biri kúni keshe ǵana Elbasymyzdyń tikelei basshylyǵymen Siriiada qandy qyrǵynnyń arasynda júrgen 371 búldirshindi qazaqtyń beibit mekenine jetkizý bul naǵyz patriot, halqyn júregimen súietin tulǵanyń áreketi dep bilemin.
Biz baqytty, qaýipsiz, beibit qoǵamda ómir súrip jatyrmyz. Árine munyń bári Elbasynyń kóregen saiasaty arqasynda. Elimizde osyndai tynyshtyq pen beibitshilik ornatý úshin aqyl, parasat, bilim, «otanym, elim – meniń ardaǵym»- dep soǵatyn júrek kerek, mundai qasietter bizdiń elbasy N.Á.Nazarbaevtyń ón boiynda bar. Elimizdiń baǵy bolǵan Elbasy aman bolyńyz, jasai berińiz!
Qaldygúl Taspýlatova, Abai atyndaǵy Qazaq ulttyq pedagogikalyq ýniversitetiniń oqytýshysy, PhD doktorant
