ول تاۋعا باتىلدىقپەن ساپار شەگۋ ءۇشىن ساعان ۇلكەن دايىندىق كەرەك. ەرىنشەكتەنىپ جاتا بەرسەڭ ونەر كەتەدى، تالاپتانساڭ نۇر بىتەدى. مىنە ءبىزدىڭ تۇڭعىش پرەزيدەنتىمىز ن.ءا.نازاربايەۆتىڭ حالقى ءۇشىن جاساپ جاتقان ماڭىزدى ىستەرىنەن جارقىراعان نۇردى كورەمىز. ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى قازاقستاندىقتاردىڭ رۋحىن وياتىپ، ساناسىنا سىلكىنىس تۋعىزدى. شىندىعىندا دا، بۇل ءبىزدىڭ كوپتەن بەرى كوكەيىمىزدە جۇرگەن قازاق حالقىنىڭ تاعدىرىنا قاتىستى تەرەڭ ويلار. ماقالانىڭ ءاربىر جولى، ءاربىر ءسوزى – ءوزىمىزدىڭ وسى كۇنگە دەيىنگى جولىمىز، تاريحىمىز، كەلەشەكتە اتقارىلاتىن مىندەتتەرىمىز. وتانسۇيگىشتىك قاي ەلدىڭ بولماسىن التىن بوساعاسى. ادام ءتانىن جان بيلەسە، وتان ءتانىن حالقىنىڭ وعان دەگەن سۇيىسپەنشىلىگى بيلەيدى. بۇعان ەشكىمنىڭ كۇمانى جوق.
ەلباسىمىز نۇرسۇلتان ءابىش ۇلى نازاربايەۆ «بولاشاق» باعدارلاماسى بويىنشا شەتەلدە ءبىلىم العان تۇلەكتەرمەن كەزدەسۋ بارىسىندا «...پاتريوت – ول قازاقستاندى شىن سۇيەتىن، ۇلتتىق قۇندىلىقتاردى قاستەرلەيتىن، بويىندا ادالدىق، ار-نامىس، ىزگىلىك قاسيەتتەرى بار حالقىنىڭ ءداستۇرى مەن وتانىنا دەگەن سۇيىسپەنشىلىگى مول ادام» دەگەن بولاتىن. ەلباسىمىزدىڭ رۋحاني جاڭعىرۋ ماقالاسىندا ءبىزدىڭ قازىرگى جانە كەلەشەكتە ىستەلىنەتىن جۇمىستارىمىز ايتىلعان. تاۋەلسىزدىگىمىزدى العاننان كەيىن ءبىزدىڭ حالىق 1995 جىلعا دەيىن داعدارىستى باسىنان وتكىزدى، بۇل جاعداي سول كەزدە كوزى كورگەن ادامداردىڭ بارلىعىنا ايان. دۇكەندەر قاڭىراپ بوس تۇردى، ناننان باسقا ەشتەمە جوق. زەينەتاقىنى، ەڭبەك جالاقاسىن بەرەتىن اقشا جوق. مىنە وسىنداي قيىن-قىستاۋ كەزىندە وسىنداي تىعىرىقتان شىعۋدىڭ جولىن ەلباسىمىز ءوزىنىڭ بىلىكتىلىگىنىڭ، اقىلدىلىعىنىڭ، كەلەشەكتى بولجاي بىلەتىن كورەگەندىگىنىڭ ارقاسىندا شەشۋگە تىرىستى جانە شەشتى دە. سول كەزەڭدە حالىقتى جاقسىلىققا اپاراتىن، ەلدىڭ مۇددەسى ءۇشىن بىرنەشە ستراتەگيالىق باعدارلامالار جاسالىندى. شىندىعىندا دا، تاۋەلسىزدىك جىلدارى قىرۋار جۇمىس اتقارىلدى.
سونىڭ ءبىرى – «بولاشاق باعدارلاماسى» بولدى. ەلباسىمىزدىڭ تىكەلەي باسشىلىعىمەن قۇرىلعان بۇل باعدارلاما سول كەزدە، قيىن جاعدايعا قاراماستان، ون مىڭعا جۋىق جاستاردى الەمنىڭ ۇزدىك ۋنيۆەرسيتەتتەرىندە وقىتىپ، ولاردىڭ بۇكىل قاراجاتىن ۇكىمەتتىڭ قارجىلاندىرۋى بۇل سول كەزەڭدەگى حالىقتىڭ بولاشاعى ءۇشىن جاسالىنعان ۇلكەن جۇمىس بولاتىن. ونداعى ماقسات-تاۋەلسىز ەلىمىزدى وسىنداي قيىن جاعدايدان شىعارىپ الۋ ءۇشىن ءبىلىمدى جاستارىمىز الەمدەگى ماڭدايالدى ۋنيۆەرسيتەتتەردە ءبىلىم الىپ، ولاردىڭ وزىق تاجىريبەسىن، ءبىلىمىن مەڭگەرىپ ەلىمىزدى دامىتۋعا وركەندەتۋگە ات سالۋ بولدى. ۇلت تابىسقا تەك ءبىلىمنىڭ ارقاسىندا جەتەتىندىگىن سول كەزدىڭ وزىندە وسىنداي وزىق ۇلگىدەگى باعدارلامالار ارقىلى كورسەتىپ بەردى. مىنە بيىل تۇڭعىش پرەزيدەنتىمىزدىڭ «بولاشاققا باعدار : رۋحاني جاڭعىرۋ» باعدارلامالىق ماقالاسىنا دا ءبىر جىل بولدى. بۇل قۇجات – ءپاتريوتيزمنىڭ نەگىزى. مۇندا حالىقتىڭ رۋحاني جانە ماتەريالدىق قۇندىلىقتارىن جاڭعىرتۋ جۇمىستارى بويىنشادا كوپتەگەن ماسەلەلەر كوتەرىلگەن. اتا-بابامىزدان بىزگە مۇرا بولىپ قالعان وسىنداي جەرىمىزدى، تابيعاتىمىزدى، تاۋىمىزدى، دالامىزدى كوزدىڭ قاراشىعىنداي ساقتاپ قانا قويماي، ونىڭ بايلىعىن ۇنەمدى، ىسىراپ قىلماي ورىندى پايدالانۋ كەرەكتىگىن مىندەتتەيدى. ءوزىمىزدىڭ جەرىمىزگە نەمقۇرايلى قاراماۋ، بولاشاعىمىزدى دۇرىس جوسپارلاي ءبىلۋ، ىسىراپشىلدىققا، استامشىلدىققا، داڭعويلىققا جول بەرمەۋ ، مۇنىڭ ءبارى ءوز ەلىڭە ، جەرىڭە دەگەن سۇيىسپەنشىلىك قۇرمەت بولىپ سانالادى. ناقتى ماقساتقا جەتۋ ءۇشىن دە ازاماتتىڭ ءوز جەرىن، ەلىن، وتانىن، حالقىن ءسۇيۋى جانە ونى قۇرمەتتەۋى - ۇلى ءىس. وسى ورايدا ەلباسىمىزدىڭ «تۋعان جەر» باعدارلاماسىنىڭ اۋقىمى وتە كەڭ.
تۋعان جەر – اركىمنىڭ ءوزىنىڭ كىندىك قانى تامعان جەرى، بالالىق شاعى وتكەن، ءومىر جولىنا اياق باسقان ولكەسى. تۋعان جەرگە، ونىڭ سالت-داستۇرلەرى مەن ادەت عۇرپىنا، مادەني، تاريحي ەسكەرتكىشتەرىنە ايرىقشا ىجداعاتتىلىقپەن اتسالىسۋ-شىنايى ءپاتريوتيزمنىڭ ماڭىزدى كورىنىستەرىنىڭ ءبىرى.سونداي-اق، مەملەكەتىمىزدىڭ تۇڭعىش پرەزيدەنتى ن.ءا.نازاربايەۆتىڭ اقش پرەزيدەنتى دونالد ترامپپەن 2018 جىلعى قاڭتار ايىنداعى كەزدەسۋى وتە جوعارى دەڭگەيدە ءوتتى دەۋگە تولىق نەگىز بار.
سەبەبى، امەريكا پرەزيدەنتى ەلباسىمىزعا ايرىقشا ىقىلاس كورسەتىپ، اق ۇيدە كەزدەسۋ وتكىزۋى بۇكىل ەلدىڭ قىزىعۋشىلىعىن تۋدىردى. قازاقستان باسشىسىنىڭ بۇل ساپارى تەك قازاقستاندىقتار ءۇشىن عانا ەمەس، الەم بولاشاعى ءۇشىن دە ماڭىزدى كەزدەسۋ بولدى. بۇل ساپار بارىسىندا ەلباسى بىرنەشە ماسەلەلەر بويىنشا – ەكونوميكالىق، ديپلوماتيالىق، ءوزارا كەلىسىم، ساۋدا، مادەني، بەيبىت، عىلىمي كەلىسسوزدەر جۇرگىزدى. مۇنىڭ ءبارى قازاقستاننىڭ جارقىن بولاشاعى ءۇشىن جۇرگىزىلگەن اۋقىمدى جۇمىستار بولدى. بۇل كەزدەسۋ ەكى ەلدىڭ ەكىجاقتى قارىم-قاتىناسىنا قان جۇگىرتتى، امەريكا پرەزيدەنتى قازاقستان مەملەكەتىن وتە سەنىمدى سەرىكتەس دەپ اتاپ ءوتتى. الەمدەگى سۋپەردەرجاۆا بولىپ ەسەپتەلىنەتىن اقش بيلەۋشىسىنىڭ وسىنداي پىكىردى ايتۋى ءبىز ءۇشىن ۇلكەن مارتەبە بولدى. ەلباسىنىڭ قازاق حالقى ءۇشىن بۇگىنگى كۇنى جانە كەلەشەك ءۇشىن اتقارىپ جاتقان يگى ىستەرى ۇشان تەڭىز، سونىڭ ءبىرى كۇنى كەشە عانا ەلباسىمىزدىڭ تىكەلەي باسشىلىعىمەن سيريادا قاندى قىرعىننىڭ اراسىندا جۇرگەن 371 ءبۇلدىرشىندى قازاقتىڭ بەيبىت مەكەنىنە جەتكىزۋ بۇل ناعىز پاتريوت، حالقىن جۇرەگىمەن سۇيەتىن تۇلعانىڭ ارەكەتى دەپ بىلەمىن.
ءبىز باقىتتى، ءقاۋىپسىز، بەيبىت قوعامدا ءومىر ءسۇرىپ جاتىرمىز. ارينە مۇنىڭ ءبارى ەلباسىنىڭ كورەگەن ساياساتى ارقاسىندا. ەلىمىزدە وسىنداي تىنىشتىق پەن بەيبىتشىلىك ورناتۋ ءۇشىن اقىل، پاراسات، ءبىلىم، «وتانىم، ەلىم – مەنىڭ ارداعىم»- دەپ سوعاتىن جۇرەك كەرەك، مۇنداي قاسيەتتەر ءبىزدىڭ ەلباسى ن.ءا.نازاربايەۆتىڭ ءون بويىندا بار. ەلىمىزدىڭ باعى بولعان ەلباسى امان بولىڭىز، جاساي بەرىڭىز!
قالدىگۇل تاسپۋلاتوۆا، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ وقىتۋشىسى، PhD دوكتورانت
