Career Enbek saitynda jumyssyz azamattardan kásiptik biliktiligin taný úshin vaýcherler alýǵa ótinimder qabyldaý bastaldy. Bul bastama jumyspen qamtýǵa járdemdesýge, azamattardyń kásibi damýyn qoldaýǵa jáne olardyń eńbek naryǵynda básekege qabilettiligin arttyrýǵa baǵyttalǵan, dep jazady Dalanews.kz.
Ótinimderdi óńdeýdi jáne konsýltatsiialyq qoldaýdy barlyq kezeńderde eńbek mobildiligi ortalyqtary júrgizetin bolady.
"Bir rettik vaýcher kásibi biliktilikti taný rásiminen ótýge jáne azamattyń tiisti daǵdylary men tájiribesiniń bolýyn rastaýǵa múmkindik beredi, bul jumysqa ornalasýdy jeńildetýge kómektesedi.Vaýcherlerdi kásiptik biliktilikti taný ortalyqtary qabyldaidy, bul jumyssyz tulǵalarǵa rásimnen tegin ótýge múmkindik beredi", delingen QR Eńbek jáne halyqty áleýmettik qorǵaý ministrligi baspasóz qyzmetiniń habarlamasynda.
Vaýcher alý úshin azamattyń resmi "Jumyssyz" mártebesi bolýy, Career Enbek platformasynda tirkelýi jáne jeke kabinet arqyly onlain ótinish berýi qajet.
Ótinimder osy jyldyń 15 qazanyna deiin qabyldanady.
