Qazaqstanda halyqtyń naqty tabysy 0,1 paiyzǵa ósken, al ekonomikadaǵy jalpy jumyspen qamtý deńgeii 9,4 mln adamǵa jetti. Bul týraly Úkimet otyrysynda premer-ministrdiń orynbasary - ulttyq ekonomika ministri Serik Jumanǵarin málimdedi, dep habarlaidy dalanews.kz.
Onyń aitýynsha, buǵan jyldyq infliatsiia baiaýlaýy yqpal etti, ol maýsym aiynda 10,3 paiyzǵa deiin tómendedi. Memleket basshysynyń azamattardyń ál-aýqatyn jaqsartý jónindegi tapsyrmalaryn oryndaý sheńberinde jańa óndiris oryndary men joǵary ónimdi jumys oryndaryn qurýǵa baǵyttalǵan halyqtyń tabysyn arttyrýdyń keshendi jospary qabyldanǵan.
"Ekonomikada jumyspen qamtý deńgeii ósimdi jalǵastyryp, 9,4 mln adam boldy. 2026 jylǵy 1 qańtardaǵy jaǵdai boiynsha shaǵyn jáne orta kásipkerlikte turaqty jumyspen qamtylǵandar sany - 4,5 mln adam", - dedi Serik Jumanǵarin.
