Densaýlyq saqtaý Vitse-ministri Timýr Muratov 2025 jylǵy 11 qarasha kúni úkimettegi baspasóz máslihatynda balalardyń onkologiialyq aýrýlaryn emdeýge qandai dáriler satyp alynǵany týraly málimdedi dep habarlaidy Dalanews.kz.
Onkologiiamen aýyratyn balalardyń ata-analary 2026 jyly alǵashqy nusqadaǵy dárilerden aiyrylyp qalamyz dep alańdaýda. Jýrnalister atap ótkendei, ata-analar Úndistan men Belarýssiiada óndirilgen generik nusqasyn qalamaidy, óitkeni olardy qabyldaý balalarǵa aýyr tiedi.
«Qazir úlken jumys júrgizilip jatyr, «SK-Farmatsiia» arqyly tipti jaqyn shet elderden de balamalar tabylýda. Metotreksatqa qatysty – ol, árine, bolady», – dep jaýap berdi Timýr Muratov.
Jalpy alǵanda, spikerdiń sózinshe, Qazaqstan zańdy tirkeýden ótken, iaǵni Dári-dármekterdi saraptaý ulttyq ortalyǵy júrgizetin tekserýden nemese eksperttik baǵalaýdan ótken dárilik zattardy satyp alady.
«Sizder nege 30% arzan isteisizder dep suraisyzdar. Bul – sol alǵashqy nusqadaǵy dárilerdi jasaýǵa jumsalǵan qarajat kólemi. Al generik nusqasyn óndirýshige bul qajet emes, ol tek sol tehnologiiany qoldanyp qaita óndiredi. Sondyqtan biz onyń 30% arzan bolýy kerek dep esepteimiz. Biraq bul generik nusqanyń sapasy alǵashqy nusqadaǵy dárilerden tómen degendi bildirmeidi. Olar qaýipsizdik pen tiimdilik jaǵynan birdei», – dep qosty vitse-ministr.
