Parlament senaty keıbir zańnamalyq aktilerge ózgeris engizý nátıjesinde mektep oqýshylaryna sabaq ústinde telefon ustaýǵa bolmaıtyny týraly zańdy maquldady, dep habarlaıdy Dalanews.kz.

Zańda oqýshylarǵa sabaq kezinde uıaly telefondy paıdalanýǵa shekteý qoıý týraly norma bar. Al úzilis kezinde telefon ustaýǵa bolady.

Senat depýtaty Altynbek Nuhuly balalarǵa bilim berý men olardyń qaýipsizdigine baılanysty birneshe normamen tanystyryp ótti.

"Sabaq kezinde uıaly telefondarǵa tyıym salý, birinshi synypqa testileýsiz qabyldaý, balabaqshalarǵa oryn berý boıynsha biryńǵaı kezekti qamtamasyz etý, bilim berý uıymdarynda zorlyq-zombylyqty nasıhattaıtyn, dinı sıpattaǵy aqparattyń taralýyna jol bermeý jáne sýısıdke shaqyrýdy boldyrmaý sharalaryn qabyldaýdy kózdeıtin normalar usynylǵan", - dedi senat depýtaty.

Sonymen qatar balalardyń qaýipsizdigine arnalǵan terezelerdi qaýipsizdik qulyptarymen qamtamasyz etýge baılanysty norma da bar.