پارلامەنت سەناتى كەيبٸر زاڭنامالىق اكتٸلەرگە ٶزگەرٸس ەنگٸزۋ نەتيجەسٸندە مەكتەپ وقۋشىلارىنا ساباق ٷستٸندە تەلەفون ۇستاۋعا بولمايتىنى تۋرالى زاڭدى ماقۇلدادى, دەپ حابارلايدى Dalanews.kz.
زاڭدا وقۋشىلارعا ساباق كەزٸندە ۇيالى تەلەفوندى پايدالانۋعا شەكتەۋ قويۋ تۋرالى نورما بار. ال ٷزٸلٸس كەزٸندە تەلەفون ۇستاۋعا بولادى.
سەنات دەپۋتاتى التىنبەك نۇحۇلى بالالارعا بٸلٸم بەرۋ مەن ولاردىڭ قاۋٸپسٸزدٸگٸنە بايلانىستى بٸرنەشە نورمامەن تانىستىرىپ ٶتتٸ.
"ساباق كەزٸندە ۇيالى تەلەفوندارعا تىيىم سالۋ, بٸرٸنشٸ سىنىپقا تەستٸلەۋسٸز قابىلداۋ, بالاباقشالارعا ورىن بەرۋ بويىنشا بٸرىڭعاي كەزەكتٸ قامتاماسىز ەتۋ, بٸلٸم بەرۋ ۇيىمدارىندا زورلىق-زومبىلىقتى ناسيحاتتايتىن, دٸني سيپاتتاعى اقپاراتتىڭ تارالۋىنا جول بەرمەۋ جەنە سۋيتسيدكە شاقىرۋدى بولدىرماۋ شارالارىن قابىلداۋدى كٶزدەيتٸن نورمالار ۇسىنىلعان", - دەدٸ سەنات دەپۋتاتى.
سونىمەن قاتار بالالاردىڭ قاۋٸپسٸزدٸگٸنە ارنالعان تەرەزەلەردٸ قاۋٸپسٸزدٸك قۇلىپتارىمەن قامتاماسىز ەتۋگە بايلانىستى نورما دا بار.
